WASHINGTON DC —
Inhlanganiso eboleka kanye lokuphathisa amazwe womhlaba ngemali, eye International Monetary Fund (IMF) ithi umnotho weZimbabwe uzathuthuka ngesilingaliso sokwedlula okuthathu ekhulwini, 3,2 percent ngomnyaka ozayo.
Embikweni ewethule ngoLwesibili, inhlanganiso le ithi njalo umnotho wamazwe angezansi kwezwekazi leAfrica uzathuthuka usuka kusilinganiso sokuhlanu ekhulwini-5% usiya kusilinganiso phose esiyisithupha ekhulwini-5,75%.
Lonyaka umnotho weZimbabwe uthuthuke ngesilinganiso sokuthathu lanye kuphela ekhulwini-3,1%. Ukubhidlika komnotho lokhu sokubangele ukuvala kwamankampani amanengi okwenze inengi lalahlekelwa yimisebenzi.