amalinks wokungena

Breaking News

I MDC Isola Ukuqhatshwa KukaMahoso YiZimbabwe Media Commission


Icele leMDC elikhokhelwa nguMnu Morgan Tsvangirai selichothoze ukukhethwa kukaMnu Tafataona Mahoso ukuba ngumqondisi wekomishini ekhangelane lokunikeza intathelizindaba lamaphephanda ama licence, eyeZimbabwe Media Commission.

Ikomishini le icatshangelwa ukuba ingaba yabanjwa ngamandla yiZanu PF ukuthi iqhatshe uMahoso, yena odume ngokuvala amaphephandaba azimeleyo afana laboDaily News leTribune ngesikhathi engumgcinisihlalo we Media and Information Commission (MIC).

Abanengi bathi kuyabamangalisa ukuthi uMahoso ungene njani kukomishini entsha le yena engazange akhethwe okusemthethweni. I Zimbabwe Media Commission yona ithi ikubone kufanele ukuthi iqhatshe uMahoso ukuba ngumqondisi wayo ngoba elolwazi olujulileyo.

Kodwa umsekeli wesikhulumeli seMDC uNkosazana Thabitha Khumalo utshele uNtungamili Nkomo weStudio 7 ukuthi uMahoso kumele asuswe esikhundleni lesi ngoba imisebenzi yakhe isenyanyeka.

XS
SM
MD
LG