amalinks wokungena

Breaking News

I-ZACC Imanyana leTransparency International lePhalamende Ekulwiseni Inkohlakalo


Zimbabwe’s President Emmerson Mnangagwa is seen during his first State of the Nation address on Wednesday during which he vowed to ensure the rule of law, fight corruption, enact laws that attract investors and ensure free and fair elections next year, in

I-Zimbabwe Anti-Corruption Commission ngoLwesithathu ilobelane isivumelwano sokusebenzelana lephalamende kanye lenhlanganiso yeTransparency International-Zimbabwe (TIZ) emizameni yokulwisa inkohlakalo.

Bekhuluma emkhosini wokulobelana isivumelwano lesi, abameli benhlangothi zontathu bavumelene ukuthi inkohlakalo ibhahile eZimbabwe njalo ilimaza umnotho.

Ngokunjalo, bathe kumele ilwiswe ngazo zonke indlela.

Usomlomo wedale lephalamende uMnu Jacob Mudenda uthe kulobufakazi obuqinileyo obutshengisa ukuthi ilizwe lilahlekelwa yizigidi lezigidi zemali ngomnyaka ngenxa yenkohlakalo.

Amazwi akhe agcizelelwe ngumgcinisihlalo weZimbabwe Anti-Corruption Commission uNkosikai Loice Matanda-Moyo yena okhale ngokuthi imizamo yokulwisa ukungethembeki inzima ngoba ilizwe alila mithetho eqinileyo.

Isivumelwano lesi silandela ukugwetshwa kowake waba ngusibalukhulu weMidlands uMnu Jason Machaya okweminyaka emine ngoMvulo phezu kwamacala enkohlakalo.

Isiphathamandla senhlanganiso elwela amalungelo oluntu eyeIbhetshu likaZulu uMnu Mbuso Fuzwayo utshele iStudio 7 ukuthi kungelani lesivumelwano lesi, uhulumende kenzi okwaneleyo ukuqeda ukungethembeki.

please wait

No media source currently available

0:00 0:02:24 0:00

Amazwi kaFuzwayo agcizelelwe ngocubungula ezombusazwe uMnu Dumisani Nkomo yena ukuze uhulumende atshengise ukuthi uzimisele, kumele aphoqe izisebenzi zakhe leziphathamandla ukuveza inotho yazo lokuthi zayithola njani.

please wait

No media source currently available

0:00 0:01:11 0:00

Facebook Forum

XS
SM
MD
LG