amalinks wokungena

Breaking News

I-ZITF Ilungiselela Umbukiso Walonyaka


Zim Trade Fair
Umbukiso we zamabhizimisi owe Zimbabwe International Trade Fair walonyaka ukhangelelwe ukuthengisa indawo yokubukisa edlula eyanyakenye lanxa nje kulokhu kulokungahlaliseki kwababukisayo ngemithetho yokupha amandla kwabensundu, ukuphathwa kokhetho lonyaka kanye lokuvalwa kwamankampani koBulawayo okuya kuqhubeka.

Umbukiso lo oqala mhlaka 23 kuyonale inyanga ukhangelelwe ukuba lababukisi abedlula abanyakenye lapho okubukise phose amakhulu ayisithupha- 549 abosomabhizimisi bakuleli kanye lamazwe alitshumi lane.

Inkampani yeZITF iphatheke emizameni etshiyeneyo yokunxusa amankampani ngokuphatha imihlangano labosomabhizimisi.

Emhlanganweni ophathwe ngolweSithathu kukhulunyiswana ngekusasa ye nkampani ye ZITF, umqondisi wenkampani ye South Africa eye Convention Industry Consultants, uMnumzana Dirk Elzingah, uthe inkampani yeZITF ilakho ukuqhelisa imisebenzi yayo hatshi ukuba lombukiso munye ngomnyaka kuphela.

I ZITF ikhuthazwa ukuba icabange ngokwakha izakhiwo ezinkulu lapho okungenzelwa khona imihlangano ngezikhathi ezitshiyeneyo hatshi ukumelela umbukiso lo kuphela.

Umbukiso we ZITF uqala mhlaka 23 kuyonale inyanga ngamalanga amathathu wabosomabhizimisi okuzagoqela ukuphathwa komhlangano omkhulu mhlaka 24. Uzavulwa okusemthethweni mhlaka 26 lapho okuzavulelwa uzulu amasango besewugqitshwa mhlaka 27.

please wait

No media source currently available

0:00 0:02:39 0:00
Lapho esitholakala khona
XS
SM
MD
LG