amalinks wokungena

Breaking News

Ibandla leANC Linquma Ukuthumela Izithunywa eZimbabwe


Umongameli Cyril Ramaphosa wakwele South Africa

Ibandla elibusayo kweleSouth Africa eleAfrican National Congress selithethe isinqumo sokuthumela iqula eZimbabwe ukuyakhulumisana lebandla leZanu PF, amabandla aphikisayo lezinye inhlangothi zonke zempilo, ngenjongo yokudinga isisombululo kunkinga zezombusazwe lezomnotho ezibhekane lalelozwe.

Lokhu kubikwe nguMongameli Cyril Ramaphosa, ekhuluma labezindaba ngemva komhlangano wekomiti enkulu yebandla lakhe eleANC, ethi bavumelene njengebandla ukuthumela iqula elizakuyazwisisa ngokugcweleyo ngokwenzakalayo eZimbabwe.

“Leliqula lizalubhekisa eZimbabwe kungekudala liyehlangana lawo wonke amaqula athinyekayo.”

Umongameli Ramaphosa uthi uhlupho lweZimbabwe seluqalile ukukhaphakela elizweni lakhe yikho kuqakathekile ukuthi bancedise ekutholeni isisombululo.

“Loluhlupho seluhlupha emngceleni yethu yikho kufanele sincedise njengabomakhelwana.”

Inyathelo leANC leli selemukelwe ngabanengi. Umgcinisihlalo webandla leMovement for Democratic Change Alliance kweleSouth Africa umnumnzana Trust Ndlovu uthi linyathelo elihle lobanje besesaba ukuthi funa amabandlala womabili esabe ukutshelana amaqiniso.

“Siyakwamkela okwenziwa yiANC kodwa ke okunye okwenza ukuthi singathembi kahle yikuthi phela kungathi kuyoqinisa ubungana beANC leZANU okuyinto vele engeke isize kakhulu uzulu waseZimbabwe. Kuthi aluba kuyenzeka ngabe wazile phela ukuthi kuthunyelwe abantu laba abanikeze igunya leAU iZANU ibone ukuthi akuzanga ukuzokhulunywa ngobungane la kuzokhulunywa ngokulungisa ilizwe.”

Isikhulumeli sebandla leZanu PF kweleSouth Africa umnumnzana Kennedy Mandaza uthi ibandla lakhe liyalemukela leli nyathelo.

“Kuqakathekile ukuthi iSouth Africa izwisise kabanzi indubo ezibhekane leZimbabwe ukuze yazi ukuthi ingasiza kanjani.”

Kodwake ingcitshi kwezombusazwe umnumnzana Somadoda Fikeni uthi akuthembisi ukuthi ukukhulumisana kwamabandla womabilila kungaluqeda uhlupho olubhekane leZimbabwe.

“Kugcono kukhulumisane ohulumende ngoba amabandla la alwela impi yenkululeko ndawonye angacina eseqinisa ezobungane kucine kusiba nzima ukuthi bakhulume lamabandla phikisayo.”

Umnumnzana Ramaphosa uvumile ukuthi akulanto ethe yafezwa yizithunywa azithumela eZimbabwe, njengoba uMongameli Emmerson Mnangagwa wathi ufisa kube lolunye uhlelo lokukhulumisana lamanye amabandla, okwenza zaphenduka zingakhulumanga lawo.

Udaba lukaMongameli Ramaphosa othumela iqula eZimbabwe siluphiwa nguBenedict Nhlapho
please wait

No media source currently available

0:00 0:03:28 0:00

Facebook Forum

XS
SM
MD
LG