Ibandla leMDC Alliance selisole ukubotshwa kukameya weHarare uMnu Jacob Mafume lisithi lokhu yikuhlukuluzwa nje kwamalunga alo nguhulumende weZanu PF.
UMafume ubotshwe ngoLwesithathu emini esetheswa icala lokusebenzisa ihofisi yakhe ngaphandle komthetho kudaba lwesitanda esibikwa sathengiselwa udadewabo ngumasipala ngoMbimbitho lonyaka.
Igqwetha lakhe lithi uzamiswa enkantolo kusasa.
Ukubotshwa kukaMafume kuza ngemva kokubotshwa kwamanje njalo amakhansila ebandla leMDC Alliance eHarare laseChitungwiza esetheswa amacala enkohlakalo asukela kudaba lwezitanda.
Ibandla leZanu PF lithi lokhu kuveza sobala ukuthi amakhansili eMDC agcwele izikhohlakalo, khepha iMDC Alliance ithi lokhu yikuhlukuluzwa kwamalunga ayo nje kuphela ngezizatho zombusazwe.
Ukuhlaziya loludaba sixoxe lelunga leZanu PF uMnu Malaki Nkomo lelunga leMDC Alliance uMnu Edwin Ndlovu, onguye osungula lingxoxo.