amalinks wokungena

Ibandla leMDC-T Libukisa Elikwenzayo eHarare Agricultural Show

  • Mavis Gama

Abalandeli bebandla leMDC-T bathi lizanqoba kukhetho oluzayo. Okwamanje ibandla leli libukisa elikwenzayo kwezombusazwe embukisweni weHarare Agricultural Show.

Ibandla leMovement for Democratic Change elikhokhelwa nguMnu. Morgan Tsvangirai, libukisa okokuqala embukisweni weHarare Agricultural Show lonyaka.

Kusenzakala lokho, ubacatshangelwa ukuthi ngabalandeli bebandla leZanu PF batshaye intathelizindaba esebenza izimele, uMnu. Anderson Manyere, obesendaweni lapho okubukisa khona ibandla leMDC-T.

UManyere utshaywe ngemva kokubonakala ethatha imifanekiso yemota ebile number plate ebilotshwe ukuthi ukuthi RG Mugabe, ebitshayelwa nguMnu. Efrain Chizola, ohle wehla wamhlasela.

UChizola ubesengofuna ukubamba ngamandla, ukungenisa uManyere emoteni yakhe, ahambe laye lapho kungaziwa khona kodwa wakhuzwa ngabanye bakhe be Zanu PF.

Uzulu weHarare, ulemibono eyehlukeneyo phezu kokuvunyelwa kwe MDC-T, okubukisa, bekhona abathi kulungile abanye bengakusekeli.

ULeopold Munhende, osakhulayo oyisakhamuzi seHarare obesembukisweni walonyaka we Agricultural Show, uncome ibandla leli ngokucabanga ukuthi libukise elilakho kumbukiso lo.

Lanxa yena eyethekelele indawana lapho olubukisa khona ibandla leMDC-T, uthi inengi labantu liyesaba ukufika duze kwaso.

Kodwa-ke uMlondolozi Ndlovu, esinye njalo isakhamuzi seHarare oyintathelizindaba, uthi kuyasolisa ukuvunyelwa kwabe MDC-T ukubukisa lonyaka. Lokhu uthi, kuveza ubuphoxo be Zanu PF lo hulumende.

Lanxa kube lalesi sehlakalo, abalimi ababukisa izilimo zabo eHarare Agricultural Show kanye lozulu batshengisa ukuwujabulela owalonyaka, bewuncoma bethi uqoqekile kule minyakeni yangemuva.

UMnu. Evans Nyoni, umlima eseNkayi esabelweni seMatebeleland North, kuWard 23 eGwamba, eTunke, uthi ulima izilimo ezimbalwa ezibalisa umumbu, inyawuthi, amabele, ndumba lamazambane.

UNkosikazi Roberta Katunga, okhokhela uhlangothi lwezokukhulumisana lozulu kunhlanganiso ebona ngezombukiso we Harare Agricultural Show, uthi uqoqwe kahle umbukiso walonyaka.

Abazathola imivuzo bakhangelelwe ukuyinikezwa ngoLwesihlanu nguMongameli Robert Mugabe, onguye ozavula lumbukiso okusemthethweni.

Facebook Forum

XS
SM
MD
LG