amalinks wokungena

Ibandla leMDC-T Lisungula Uhlelo Lwabatsha Lokuvota

  • Mavis Gama

Abasakhulayo bebandla le MDC-T sebephawule okusemthethweni uhlelo lokukhuthaza ontanga ukuphatheka kukhetho ngokubhalisa ukuze bathole ilungelo lokuvota olwe Bereka Mwana Tiende/Beletha Umntwana.

Baxwayisa ukuba bazophazamisa ukhetho luka 2018 nxa kungenziwanga inguquko edingakalayo kwezokuqhutshwa kokhetho elizweni.

Kade begcwele labesifazana kusungulwa uhlelo lweBeletha Umntwana Sihambe.
Kade begcwele labesifazana kusungulwa uhlelo lweBeletha Umntwana Sihambe.

Okhokhela uhlangothi lwabontanga kuMDC-T, uMnumzana Happmore Chidziva, ukhuthaza abasakhulayo ukuthi baphatheka kukhetho ngobunengi ukwenzela ukuba basuse uMongameli Robert Mugabe esikhundleni.

Wengeza esithi kungumthwalo wabo ukuvimba ukuqilibezelwa njengalokho okuhlezi kusenzakala ngesikhathi sokhetho.

Ngasikhathi sinye, abasakhulayo laba bakhuthaze abezamabandla okholo lwesiKhristu ukuba bafundise abasakhulayo ngokuqakatheka kokuphatheka kukhetho luka 2018 kusiya phambili.

Ezinye iziphathamandla zebandla leMDC-T ekade zikhona kusungulwa uhlelo lokuvota olwe Beletha Umntwana Sihambe.
Ezinye iziphathamandla zebandla leMDC-T ekade zikhona kusungulwa uhlelo lokuvota olwe Beletha Umntwana Sihambe.

Umgcinisihlalo wabasakhulayo kuMDC-T eHarare, uMnu. Paul Gorekore, uthe kuqakathekile ukuthi abakholo lwesiKhristu bavote eZimbabwe.

Beyikhona lenkokheli yeMDC-T, okubalisa ummeli weMufakose edale lephalamende, uNkosikazi Paurina Mupariwa, ukuzaxhasa abasakhulayo ekuphawulweni kwalomkhankaso.

Kade kulabazali njalo abagoqela uNkosikazi Florence Motsi, oyisakhamuzi semzini weMufakose.

Kade bebanengi abantu kusungulwa uhlelo lweBeletha Umntwana Sihambe.
Kade bebanengi abantu kusungulwa uhlelo lweBeletha Umntwana Sihambe.

UNkosikazi Motsi, oleminyaka engamatshumi ayisithupha lane yokuzalwa (64 ), ukhuthaze abazali ukuba batshiyane lomkhuba wokutshiya abantwababo emakhaya nxa besiyavota kanye lokuphatheka kwezombusazwe.

Abe MDC bemukele ngenjabulo lumkhankaso osungulwe ngontanga ngokwabo ngoba kuyibo insika yentuthuko yesizwe njalo ukuphatheka kwabo kukhetho kungokungaletha inguquko kwezombusazwe elizweni.

Inkokheli ye MDC-T ithethe lelithuba ukwazisa amalunga alo ngezomkhosi wamabandla ezombusazwe akhankasela ukuguqulwa kwezokuqhutshwa kokhetho elizweni owe National Electoral Reform Agenda ozakwenzelwa eAfrica Unity Square ngoLwesithathu.

Bathi uMongameli Robert Mugabe kasoze anqobe kukhetho oluzayo.
Bathi uMongameli Robert Mugabe kasoze anqobe kukhetho oluzayo.

Uzulu ukhuthazwe ukuba abuye ngobunengi babo emkhosini lo lapho okuzakwethulelwa uMugabe izikhalazo zokungaguquki kokwenzakala kwezokhetho.

Abasakhulayo be MDC-T abakade besemkhosini lo bathembise ukuphatheka ngobunengi kwezokhetho.

Facebook Forum

XS
SM
MD
LG