amalinks wokungena

Breaking News

Ibandla leMDC99 Limanyana leleNCA


Job Sikhala / Lovemore Madhuku
Ibandla le MDC 99 ebe likhokhelwa ngumnumzana Job Sikhala selimanyene lele NCA elikhokhelwa ngu Proffessor Lovemore Madhuku onxuse abaxotshwe kwamanye amabandla ukuba bazekuba ngamalunga lapho elethula kuzulu.

Umkhokheli we MDC 99 umnumzana Job Sikhala utshele intathelizindaba lamuhla emhlanganweni owenzelwe e Harare Club, ethi abebandla lakhe bathethe lelinyathelo ukumanyana lebandla elikhokhelwa ngu Proffessor Madhuku ele NCA ngemva kokunanzelela ukuba balobudlelwano obuhle obuqine kakhulu ngesikhathi inkokheli zawo beziphikisa ukubunjwa kohulumende womanyano lalapho ilizwe liphatheke kumsebenzi wokulotshwa kwesisekelo sombuso esitsha.

Lokhe abebandla lakhe befuna ukuqinisa ukukhuthaza ukulwisana lombuso ongasiyo ntando kazulu kuveze u Sikhala.

U Sikhala uthi yikhona kuzakhethwa abantu emhlanganweni omkhulu weCongress walumanyano okhangelelwe ukwenziwa ngenyanga kaMbimbitho wemnyaka ozayo (March 2014).

Uzulu weZimbabwe uyawusola lumanyano ethi kawuyikumethusa umongameli Robert Mugabe ngitsho lakancane. Umnumzana Jeffery Moyo uyintathelizindaba esebenza ise Harare. UMoyo uthi luminyano kuyikudlalisa isikhathi sabantu.

USikhala uphume ebandleni leMDC elikhokhelwa ngumnumzana Morgan Tsvangirai lapho lihlephuka ngomnyaka ka2005, emanyene lalabo abaya kucele leMDC elacina likhokhelwa ngaleso sikhathi ngumnumzana Arthur Mutambara. Kwaba lokungezwani okuthile phakathi kukaMutambara lowayengunobhala jikelele umnumzana Welshman Ncube lacina likhkhelwa nguNcube ibandla.

Ngemva kwesikhathi uSikhala laye wabangomunye wabangajabulelanga inkokheli kaNcube laye wacina ephumile wabumba eyakhe iMDC99 kodwa engazange yathola indima yokudlala kwezombusazwe okuya ngaphi ngoba kube lamabandla aqinileyo amathathu kuphela ayiwo abumba uhulumende womanyano.
XS
SM
MD
LG