amalinks wokungena

Breaking News

Ibandla leSouth Africa eleANC Linqoba Kukhetho Lukamongameli Lolwezabelo


ANC Congress

Kulamabandla edlula amatshumi amane (48) abencintisa kulolukhetho. Phakathi kwabavotileyo abedlula izigidi ezilitshumi lasikhombisa (17,668,318) iANC ithole amavoti edlula izigidi ezilitshumi (10,026,047) okuyisilinganiso esiphezu kwamatshumi amahlanu ekhulwini (57.51%).

Ikhomishini yezokhetho kweleSouth Africa iIndependent Electoral Commission (IEC), isimemezele ukuthi ibandla elibusayo iAfrican National Congress (ANC) yilo elinqobileyo kukhetho olusanda ukuqhutshwa.

Kulamabandla edlula amatshumi amane (48) abencintisa kulolukhetho. Phakathi kwabavotileyo abedlula izigidi ezilitshumi lasikhombisa (17,668,318) iANC ithole amavoti edlula izigidi ezilitshumi (10,026,047) okuyisilinganiso esiphezu kwamatshumi amahlanu ekhulwini (57.51%).

Kulandele ibandla leDemocratic Alliance (DA) ngamavoti edlula izigidi ezintathu (3,618,992) okuyisilinganiso sokungamatshumi amabili ekhulwini (20.76%). I Economic Freedom Fighters (EFF) ibe ngeyesithathu ngamavoti aphose afike izigidi ezimbili (1,881,331) okuyisilinganiso sokulitshumi ekhulwini (10.79%).

Ekhethweni lwezabelo iANC inqobile kweziyisitshiyagalombili kwathi iDA yanqoba eWestern Cape.

Isiphathamandla sebandla leANC uMnumnzana Nkenke Kekana ubonge kakhulu abasekeli baleli ibandla.

Kodwa isiphathamandla sebandla leEcoforum uMnumnzana Kaizer Maswanganyi uthi ibandla lakhe lamanye amabandla amancane edlula amatshumi amathathu abayamukeli impumela yalolukhetho ngoba belulokuqilibezela.

Kodwa inhlanganiso ezihlola ukhetho zithi lolukhetho belukhululekile njalo lungelakuqilibezela.

Ilunga lebandla leZAPU uMnumnzana Carnicious Nkala uthi njengezizalwane zeZimbabwe kuyabathokozisa ukubona ukhetho luqala lusiyaphela kungekho owethesa ibandla elibusayo kumbe amapholisa umlandu wokubangela udlakela.

Ingcitshi kwezombusazwe zithi lonxa iANC inqobile, insolo zenkohlakalo, lokulwisana kuleli bandla yikho okwenze usekelo lwayo lwehla lusuka ku 62% kukhetho olwedluleyo lusiya ku57%.

Kukhangelelwe ukuthi iphalamende ihlale kungensuku zatshwala ibisikhetha umongameli okukhangelelwe ukuthi kube ngube njalo uMnumnzana Cyril Ramaphosa.

please wait

No media source currently available

0:00 0:02:57 0:00

Facebook Forum

XS
SM
MD
LG