amalinks wokungena

'Ibandla leZanu PF Linqobe eBikita West Ngenxa Yodlakela'

  • Ntungamili Nkomo

Lanxa ibandla leZanu PF liziqhenya ngokunqoba kukhetho lweBikita West ngoMgqibelo, inhlanganiso ezizimeleyo zithi lelibandla linqobe ngoba lisebenzise udlakela lokwethusela abamabandla aphikisayo.

Obemela iZanu PF kulolukhetho, uNkosikazi Beauty Chabaya, unqobe ngamavoti edlula kancane azinkulungwane ezilitshumi lantathu, 13, 156.

Ulandelwe ngobemela ibandla elikhokhelwa nguNkosikazi Joice Mujuru eleZimbabwe People First uMnu Kudakwashe Gopo yena othole amavoti azinkulungwane ezimbili lengxenye kuphela, 2, 453.

Obemela ibandla leNCA uMnu. Maddock Chibasa, yena oke watshaywa kakubi ngabasekeli beZanu PF ngaphambilini kokhetho, uthole amavoti angamakhulu amathathu kuphela.

Inhlanganiso ezizimeleyo ezigoqela iZimRights leleZimbabwe Peace Project (ZPP) zithi ibandla leZanu PF lisebenzise ukudla ukudinga usekelo kulolukhetho, ukwethusela uzulu lodlakela.

“Lokhu kutshengisela ukuthi ilizwe leZimbabwe lisesekatshana kakhulu lokuthi kube lokhetho olulempumela engethembeka,” kutsho ingcwethi ecubungula ezombusazwe uMnu. Nkululeko Sibanda.

XS
SM
MD
LG