amalinks wokungena

Ibandla LeZanu PF Lihluza Isisekelo Esitsha

  • Ntungamili Nkomo

Ibandla leZanu PF selibize umhlangano omqoka ngoLwesihlanu wokuhlaziya isisekelo sombuso esitsha kulokudonselana okukhulu kulelibandla amanye amalunga esithi akumelanga lamukele isisekelo lesi.

Ababikwa bengafuni ukuthi iZanu PF yamukele lesi sisekelo bagoqela ummeli weTsholotsho North edale lephalamende uMnu Jonathan Moyo.

Kodwa omela ibandla kuCopac uMnu Paul Mangwana uthi uMoyo kayisiyo ngcwethi kwezesisekelo sombuso njalo ulahlekile ngokuthi isisekelo lesi sibi.

Idale leZanu PF Politburo lihlangene ngoLwesithathu lahlafuna okutshiyeneyo okugoqela udaba lwesisekelo kodwa akusabanga lokuvumelana ngoba amanye amalunga ebesithi kakasiboni.

Elandula imbiko yokuthi akula kuvumelana kuZanu PF phezu kwaloludaba, isikhulumeli sebandla uMnu Rugare Gumbo uthi bazathatha isinqumo ngemva komhlangano wangoLwesihlanu.

Okuhambelana lalokhu

XS
SM
MD
LG