amalinks wokungena

Breaking News

Ibhanga Labesifazana Lithi Lifuna Ukwengezelelwa Imali Yokuqhuba Inhlelo


Akade besebhanga labesifazana ...

Isiphathamandla sebhanga leZimbabwe Women’s Microfinance Bank uNkosikazi Mandas Marikanda utshele amalunga edale lephalamende ngoLwesine ukuthi akhuthaze uhulumende ukuthi akhuphule imali ayinika lelibhanga ukwenzala ukuthi yenelise ukufeza umsebenzi wayo ngokupheleleyo.

Isiphathamandla sebhanga elincedisa abesifazana ngemali yokuthuthukisa inhlelo zabo ezitshiyeneyo eyeZimbabwe Women’s Microfinance Bank, uNkosikazi Mandas Marikanda, utshele amalunga edale lephalamende ngoLwesine ukuthi akhuthaze uhulumende ukuthi akhuphule imali ayinika lelibhanga ukwenzela ukuthi yenelise ukufeza umsebenzi wayo ngokupheleleyo.

Owesifazana obedinga imali ebhanga leli elomkakhe ...
Owesifazana obedinga imali ebhanga leli elomkakhe ...

UNkosikazi Marikanda uthi ibhanga le ingathola imali eneleyo ilakho ukuthuthukisa inhlelo zabesifazana emaphandleni lemadolobheni, ikakhulu kwezokulima kanye lokusungula amabhizimusi ukwenzela ukuthi benelise ukunakekela imuli zabo.

Ubekhuluma lequla ledale lephalamende ebelivakatshele lelibhanga eHarare, ukuhlolisisa ukuthi lisebenza njani.

Amalunga edale lephalamende labaqondisi bebhanga leli.
Amalunga edale lephalamende labaqondisi bebhanga leli.

Umphathintambo kahulumende obona ngeziphathelane labesifazana uNkosikazi Sithembiso Nyoni usanda ukutshela iStudio 7 ukuthi ibhanga leli selancedisa abesifazana abedlula inkulungwane ezine - 400,000 kunhlelo zokulima.

Omunye obekade ekuqula ledale lephalamende, uMnu. Daniel Molokele, owebandla leMDC uthi ngempela bazakhuthaza uhulumende ukuthi axhase lelibhanga.

please wait

No media source currently available

0:00 0:02:11 0:00

Facebook Forum

XS
SM
MD
LG