amalinks wokungena

Ibhanga leCBZ Limisa Ukusetshenziswa Kwamakhadi eVISA

  • Chris Gande

Ikhadi levisa

Ibhanga le Commercial Bank of Zimbabwe (CBZ) lithi kalisayemukeli amakhadi ohlobo lwe VISA ngesikhathi ukusilela kwemali kuqhubekela phambili eZimbabwe.

Umqondisi walelibhanga, uMnu. Never Nyemudzo, utshele intathelizindaba ukuba ukusetshenziswa kwamakhadi la kulendleko enengi okubangela ukuba liswele inzuzo.

Inyathelo leli lizaqala ukusebenza mhla ziku tshumi lanhlanu kuyonale inyanga.

Kodwa lelibhanga lithi nxa ulilunga lebhanga leli uyenelisa ukusebenzisa amakhadi eVISA phandle kwelizwe njalo uyenelisa ukuthatha imali engafika inkulungwane eyodwa, i$1,000 lokusebenzisa lelikhadi ukuthenga ebulenjini be Internet.

Elizweni uzulu uvunyelwa ukuthatha imali engamadola angamatshumi amhlanu kuphela ngelanga.

Abavela emazweni amanengi, umhlaba wonke jikelele, basebenzisa umhlobo wamakhadi la kanye labosomabhizimusi abaselizweni.

Ukuhlaziya loludaba sixoxe lokhansila wedolobho le Victoria Falls, uMnu. Efias Mambume, otshele iStudio 7 ukuthi inyathelo elithethwe libhanga le CBZ lilakho ukubuyisela emuva imizamo yokuvuselela umnotho welizwe.

"Kuyaphazamisa kakhulu, ikakhulu ebantwini abavela kwamanye amazwe bezosivakatshela ngoba nxa befika elizweni bayabe befuna ukuzisebenzisela imali yabo kungakhathalekile ukuba kulemigoqo," kutsho uMambume.

XS
SM
MD
LG