amalinks wokungena

Breaking News

IBulawayo Ithola Uncedo Lokucitsha Umlilo


Bulawayo Firefighters

Ikhansili yakoBulawayo ithole uncedo lwezimota imitshina kanye lemfundiso ephezulu yokulwisana lomlilo kanye lezinye ingozi oluvele enhlanganisweni yeBhilithani i Operation Florian, olukhangelelwe ukuphathisa lelidolobho ukuze liqhube lumsebenzi ngcono.

Inhlanganiso yeOperation Florian ize lengcitshi ezingamatshumi amabili lambili kuleli dolobho okwamaviki amathathu alandelayo ukuzafundisa izisebenzi zekhansili indlela ezintsha zokulwisana lomlilo kusetshenziswa imitshina yangalezi nsuku eyenza lumsebenzi ube lula.

Kulandela ukubhidlika kwenotho yelizwe, ikhansili yavala inkamba zokulwisa umlilo emzini weNorthend le Nketa osokusenza kubenzima ukulwisana lomlilo endaweni zonke zedolobho.

Lo usungumnyaka wesithathu inhlanganiso ye Operation Florian isiza kulelidolobho okwamaviki athile minyaka yonke ukuzaphathisa ngaloluhlobo.

Okwakhathesi inhlanganiso le iphathele ikhansili imota ezine zokulwisana lomlilo kanye lezinye impahla isengeza phezu kwemota eziyisitshiyagalolunye eyaziletha ngeminyaka emibili edluleyo.

Kubika uNothando Sibanda weStudio Seven osipha loludaba ekoBulawayo.

please wait

No media source currently available

0:00 0:02:55 0:00
Lapho esitholakala khona
XS
SM
MD
LG