amalinks wokungena

Breaking News

Lt. General Sibanda: Ibutho Selibuyela Ezinkambeni


Amasotsha asemigwaqweni eHarare.

Umkhokheli webutho uLt. General Valerio Sibanda uthi ibutho leZimbabwe selibuyela ezinkambeni.

ULt. General Sibanda wethule umbiko lo eHarare lamuhl alapho abike khona ukuthi uhlelo lwabo lwe Operation Restore Legacy solufike emaphethelweni.

Uthe amasotsha asezanika amapholisa umsebenzi wabo wokubona ngezemithetho lokunye okufanayo.

ULt. General Sibanda uthe sebebopha abanye abantu ababesebenza duzane lowayengumongameli, uMnu. Robert Mugabe, owabanjwa ngamandla libutho lebandla leZanu PF ukuthi asuke esikhundleni.

USibanda uthe bakhangelelwe ukuba baqhube umsebenzi ngendlela ababsesipholiseni, belandelwa okutshiwo yi Client Service Charter.

Abakubutho laba bathi sebebuyisela umsebenzi kwabasesipholiseni lngemva kwamaviki amahlanu ngoba sebekufezile abekade bengakho kusukela belusungula mhlaka 13 Lwezi 2017.

Ukuze sihlaziye udaba lolu, iStudio 7 ixoxe loMnu. Dumisani Nkomo, ingcwethi kwezombusazwe, othe kuhle ukuthi ibutho selisuka emigwaqweni lobanje bekufunakala ukuthi lifundise amapholisa ukuphatha kahle abantu lingakabuyeli ezinkambeni.

Facebook Forum

XS
SM
MD
LG