amalinks wokungena

Breaking News

IChicken Inn Inqotshwa Okwakuqala emidlalweni yePSL


Iqembu lenguqu eleChicken Inn FC

Kuphelile ukuba liqhude elikhulu kuqembu lomdlalo wenguqu ele Chicken Inn ngemva kokuba linqotshwe okwakuqala emidlalweni yalonyaka eyesigaba se Castle Lager Premier Soccer League.

Iqembu le Chicken Inn lingene kumidlalo yeviki lesine lingelinye lamaqembu amabili abenqobe kuyo yonke imidlalo emithathu ebisidlalwe kusigaba saphezulu kodwa litshaywe nge 1 ka nya liqembu le Ngezi Platinum Stars ngoLwesihlanu emini.

Loba kunjalo iqembu leli liyale lilokhu lihlezi phezu kwengalane yemiklomelo lilemiklomelo eyithoba munwe munye kodwa lesisimo singaguquka ngemva komdlalo ozadlalwa kusasa ngoMgqibelo phakathi kweqembu le Hwange lele FC Platinum eColliery.

Iqembu le Hwange lilemiklomelo eyithoba munwe munye okutsho ukuba lingahwitha ele Chicken Inn nxa lingathola loba owodwa umklomelo ikanti lele FC Platinum lalo lilakho ukugada phezu kwele Chicken Inn nxa linganqoba ele Hwange ngoba lihlezi phezu kwemiklomelo eyisikhombisa.
Kweminye imidlalo edlalwe namhla iqembu le Bulawayo Chiefs linqotshwe nge 1 ka nya ngele ZPC Kariba okuyimpumela elitshiye lihlezi emsileni wengalane yemiklomelo lingela ngitsho lowodwa umklomelo ngemva kokunqotshwa kumidlalo emithathu eseliyidlale lonyaka. Iqembu le Yadah libe ngutshiki lobhanqa lele Tel One kungela qembu elenelise ukulitshayela emambuleni.

Intathelizindaba yezemidlalo uNash Mkokwayarira uthi impumela yemidlalo yanamhla ubevele eyikhangelele ngemva kokubona indlela lawamaqembu adlale ngayo phambilini kwemidlalo yanamhla.

Komunye umdlalo ozadlalwa kusasa iqembu le Black Rhinos lizadlala lele CAPS United ngase Rufaro kuthi ngeSonto iqembu le Chapungu lizemukela ele Harare City ngase Mandava.

Imidlalo iyaqhubekela phambili ngoMvulo lapho iqembu le Dynamos elizadibana khona lele Herentals, ele Manica Diamonds lizadlala lele Mushowani Stars ngase Gibbo kuthi iqembu le Highlanders lizangqikilana lele Triangle United ngase Barbourfields.

Ezemidlalo siloJoseph Njanji
please wait

No media source currently available

0:00 0:02:29 0:00

Facebook Forum

XS
SM
MD
LG