amalinks wokungena

Breaking News

IChristian Alliance Iqoqa Umkhuleko Wokunanza OweSave Zimbabwe Campaign Owenziwa ngo2007


Kulandela udlakela oluselizweni, inhlanganiso ye Christian Alliance, imanyene lezinye inhlanganiso ezizimeleyo isiqoqe umhlangano omkhulu ozaqhutshwa ngoMgqibelo eHarare, owokukhulekela ukuthula elizweni.

Kulandela udlakela oluselizweni, inhlanganiso ye Christian Alliance, imanyene lezinye inhlanganiso ezizimeleyo isiqoqe umhlangano omkhulu ozaqhutshwa ngoMgqibelo eHarare, owokukhulekela ukuthula elizweni. Abamabandla ezombusazwe kanye leziphathamandla zikahulumende bakhangelelwe ukuba khona kulumhlangano.

Umhlangano lo ukhangelelwe ukunanza omunye njalo umhlangano ofanayo owaqoqwa yi Save Zimbabwe Campaign ngomnyaka ka 2007, lapho okwabotshwa umkhokheli welinye lamacele e MDC uMnu. Morgan Tsvangirai labanye, ezama ukuya kulumhlangano. Watshaywa kakubi esesitokisini.

Lokhu kwenzakala uhlangothi lukahulumende olwe Joint Monitoring Committee, olulamalunga amabandla womathathu akuhulumende womanyano lingenise amalunga amapholisa kumakomiti awo ngendlela yokuqinisa imizamo eyokwenqabela udlakela elizweni.

UMfundisi Useni Sibanda, isiphathamandla se Christian Alliance, utshele uSithandekile Mhlanga we Studio 7 ukuthi amapholisa aseqalisile ukubuzisisa ngalumhlangano.

XS
SM
MD
LG