amalinks wokungena

Breaking News

I-Christian Alliance kuMnangagwa: Lungisisa Udaba Lwabodokotela


Inhlanganiso yeZimbabwe Christian Alliance ithi abantu abazawelwa zingozi zomgwaqo ngekhefu lephasika balakho ukufa mahlayana ngokuswela abelaphi ezibhedlela ngoba odokotela beqhubeka ngokukhalala umsebenzi.

Ngokunjalo, inhlanganiso le ithi uMongameli Emmerson Mnangagwa kumele elungisise izikhalazo zabodokotela laba ngokuphangisa ukuze babuyele emsebenzini.

Odokotela sebezafikisa inyanga bekhalale umsebenzi bekhonona ngeholo abathi liphansi. Bathi njalo uhulumende kumele athenge imithi lemitshina yokusebenzisa ezibhedlela.

“Sikhathazekile ngoba ukukhalala umsebenzi kwabodokotela lokhu sokudonse isikhathi eside,” kutsho umqondisi weChristian Alliance uMnu Useni Sibanda.

“Sesihlutshwa yikuthi singena kukhefu lephasika lapho okulakho ukuba khona lengozi zomgwaqo ezinengi. Lokhu kutsho ukuthi abantu bazakufa njengoba kungelabodokotela.”

Abasekeli bakaMnangagwa, uMnu Kembo Mohadi loMnu Constantine Chiwenga bahlangane labodokotela ngeviki edluleyo babathembisa ukuthi uhulumende uzakwengeza iholo labo lisuka kudollar elilodwa lamatshumi amahlanu ngehola lisiya kumadollar amahlanu.

Kodwa akukenzakali lokhu. Odokotela bathi bazabuyela kuphela emsebenzini nxa bethe balobelana isivumelwano lohulumende ngokukhwezwa kweholo labo.

please wait

No media source currently available

0:00 0:02:35 0:00
XS
SM
MD
LG