Inhlanganiso ezizimeleyo zako Bulawayo phansi komanyano we Matebeleland Civil Society Consortium zihlangane labagcinisihlalo bekhomidi yedale lephalamende ababona ngokulotshwa kwesisekelo sombuso koBulawayo, ngenjongo yokukhulumisana ngokuhluphayo kuhlelo lokuthathwa kwemibono kazulu ekulotshweni kwesisekelo esitsha sombuso.
Abagcinisihlalo beCOPAC bobathathu bebekhona emhlanganweni lo. Inhlanganiso ezibumba lumanyano zigoqela iBulawayo Progressive Residents Association, Habbakuk trust, Bulawayo Agenda, Radio Dialogue le Christian legal society.
Umhlangano wangolweSine uphathe indaba ezimbalwa ezigoqela udaba lokuthi iCOPAC iyehluleka ukwazisa uzulu ikakhulu emaphandleni izikhathi lamalanga okuzakwenziwa khona imihlangano.
Isiphathamandla se Bulawayo Progressive Residents Association uMnu Rodrick Fayayo, obesemhlanganweni lo uchasisa okunye okukhulunywe ngakho kungxoxo ayenze loBrenda Moyo weStudio 7.
Kusenjalo umphathintambo obona ngokulotshwa kwesisekelo sombuso esitsha uMnumzana Eric Matinenga ekhuluma lentathelizindaba eHarare uthe laloba abenhlanganiso ezizimeleyo besithi kulodlakela lokwethuselwa kukazulu ngabacatshangelwa ukuthi ngabe ZANU PF,bona kuCOPAC abakakuboni kusenzakala.
UMatinenga uthe iCOPAC ayilamali yokumemezela imihlangano yikho behlezi bephambana lezakhamizi okucina kuphazamisa kakhulu uhlelo lokwamukelwa kwemibono kazulu.
Abamaphephandaba kanye lemisakazo ye ZBC babikwa befuna inhlawulo ephezulu yokuthi iCOPAC imemezele indawo lapho ezahlangana khona lozulu. UMatinenga ucele abenhlanganiso ezizimeyo lentathelizindaba ukuphathisa kulokhu
