amalinks wokungena

Breaking News

Idale Lephalamende Licwayisisa Ngomkhuhlane Wemvukuzane Legciwane leHIV


Parliament of Zimbabwe
Parliament of Zimbabwe

Amakomidi abona ngezempilakahle edale lephalamende leleSenate sesungule uhlelo lokwethekelela indawo ezitshiyeneyo zelizwe ecwayisisa ngomkhuhlane wengculaza lowemvukuzane.

Ngempelaviki amakomidi la ethekelele izibhedlela, amakolitshi lamajele esabelweni seMidlands aphinda ahlangana labemba igolide ngaphandle komthetho ebabuzisisa ngolwazi abalalo ngegciwane leHIV.

Okuphume sobala yikuthi abemba igolide laba, abaziwa kakhulu ngelokuthi “otsheketsha” kabalalo ulwazo olwaneleyo ngeHIV,” kutsho ilunga lekomidi yedale lephalamende njalo engummeli weBinga North edale lephalamende uMnu Prince Dubeko Sibanda.

“Esikufundileyo kibo yikuthi igciwane leHIV lomkhuhlane weAids kabakakutholisisi kakuhle ukuthi kanti vele khona kuyini,” kutsho uMnu Sibanda.

“Kukhanya kusalomsebenzi omkhulu sibili okumele siwenze njengohulumende. Kuzamele sihambe lapho abagebha khona ukuze bethole imfundiso ngomkhuhlane lo.”

Ikomidi le yethekelele esibhedlela seSilobela Hospital ukuyabona imitshina esanda thengwa yisibhedlela lesi eyokwelapha umkhuhlane wemvukuzane.

Umkhuhlane lo ungomunye wemikhuhlane esigxilile eZimbabwe ebulala inani labantu eliphezulu kakhulu ngomnyaka.

please wait

No media source currently available

0:00 0:02:02 0:00
XS
SM
MD
LG