amalinks wokungena

Breaking News

Idale lePhalamende Liphasisa Isisekelo Sombuso Esitsha

  • Mavis Gama

Idale lephalamende ele House of Assembly liphasise iBill lomthetho wesisekelo sombuso esitsha ngemva kokuhluzwa kwaloludaba edale laphezulu eleSenate ngolweSibili laphasiswa. Osokusele manje yikuthi lolugwalo lusiwe kuMongameli Robert Mugabe ukuze lisayinwe kube ngumthetho.

Umthetho ophakathi kokubunjwa owesisekelo sombuso esitsha owe Constitution of Zimbabwe Amendment Bill usuphasile edale lephalamende ele House of Assembly ngemva kokuguqula lokuvumelana kokuguqulwe kancane lidale laphezulu eleSenate ngolweSibili.
Ngemva kokwamukela okuguqulwe lidale leSenate amalunga edale leHouse of Assembly ahle avota elandela iziqondiso zokwethulwa komthetho omutsha andubana umlawuli wedale lephalamende azise ukuthi lumthetho usuphasile njalo akula loyedwa oke waphikisa leli Bill.

Lokhu sokusitsho ukubana le iBill ukuze ube ngumthetho opheleleyo sokumele isiwe kuMongameli Robert Mugabe onguyeke ozaloba igama lakhe kuwo ubususethulwa ukuba yisisekelo sombuso weZimbabwe esitsha esizalandelwa okwamanje sithatha isikhundla saleso esalotshwa eLancaster House ilizwe lithola uzibuse esesaba lezigamba ezinenginengi ngokuguqulwa esikade sikwenziwa eminyakeni engamatshumi amathathu lantathu edluleyo.
Laloba singagcwalisi zonke indingeko zikazulu lesi sisekelo sombuso esitsha sithole usekelo olukhulu kukhetho olwenziwe ngoMbimbitho mhlaka 16 lumnyaka ka2013 lokukhetha kumbe uzulu uyasamukela na loba hatshi. Kwakanya abantu bavota ngobunengi besisekela ukuthi ube ngumthetho omkhulu welizwe.
XS
SM
MD
LG