amalinks wokungena

Breaking News

Idale LePhalamende Lisolwa Ngokwehluleka Ukupasa Imithetho Eqakathekileyo


Abalwela amalungelo oluntu sebesole idale lephalamende ngokwehluleka ukupasa inguquko phezu kwemithetho ethile ephathelane lokubuswa kukazulu.

Bekukhangelelwe ukuthi idale leli lipase iElectoral Ammendment Bill, iPublic Order and Security Ammendment Bill kanye leHuman Rights Commission Bill lonyaka.

Kodwa lokhu akusenzakalanga ngenxa yokudonselana okukhona phakathi kweZanu PF leMDC.

Lelidale lithethe ikhefu ngeviki edluleyo njalo lizabuyela emsebenzini ngomnyaka ozayo mhlaka 28 ngoNhlolanja.

IPublic Order and Security Bill yona ipasile edale leHouse of Assembly kodwa ifike yavinjwa kuSenate lapho iZanu PF elamalunga amanengi khona.

I Electoral Ammendment Bill yona ijonge ukuguqula indlela ukhetho oluqhutshwa ngayo njalo injongo yeHuman Rights Bill ngeyokufaka ikomishini ebona ngokuphathelane lamalungelo oluntu emthethweni.

Okwamanje ikomitshini le ayenelisi ukusebsnza ngoba kungelamthetho oyilawulayo.

AbeMDC basola amalunga eZanu PF besithi yiwo avimba yonke linguquko ngoba esesaba ukuthi ingabangela ukunqotshwa kwebandla labo kukhetho.

Kodwa umkhokheli weZanu PF edale lephalamende uMnu Joram Gumbo ukulandule lokhu.

Ukuhlaziya loludaba sixhume igqwetha uMnu Matshobana Ncube yena othe kuqakathekile ukuthi iHuman Rights Bill ipaswe ikomishini ebhekane lamalungelo oluntu iqalise ukusebenza.

XS
SM
MD
LG