amalinks wokungena

Breaking News

Idale lePhalamende yeSouth Africa Likhumbula uTsvangirai


UMkhokheli webandla le EFF, uMnu. Julisu Malema

Abameli bedale lephalamende kweleSouth Africa sebechaze umuyi uMnu. Morgan Tsvangirai njengendoda ebilesibindi esikhulu ekulwiseni ukwephulwa kwamalungelo oluntu eZimbabwe.

Enkulumeni eyethule kudale lephalamende kweleSouth Africa ngoMvulo, umkhokheli webandla leDemocratic Alliance uMnu. Mmusi Maimane, uthe uzahlala emkhumbula kakhulu umuyi ngoba wamfundisa okunengi kwezombusazwe.

UMnu. Maimane uthe nxa ekhumbula umuyi akakhohlwa inkulumo eyethulayo ngesikhathi uMnu. Robert Mugabe aze antshontshe ukhetho ngo 2008, lapho ayekhuthaza uzulu weZimbabwe ukuthi angalahli ithemba.

“Silahlekelwe ngumngane omkhulu, umkhokheli webandla eliphikisayo, umkhokheli kahulumende, umququzeli kwezombusazwe kanye lobaba womuzi. Wangipha inhlakanipho lezixwayiso ezinkulu kakhulu. UMorgan wayetshaywa etshiywe esebangwa lezibi amahlandla amanengi, ngenxa yenkolo yakhe kwezombusazwe, kodwa kazange ngitsho ahlehlele emuva,” kutsho uMaimane.

Umkhokheli webandla le Economic Freedom Fighters uMnu. Julius Malema, yena uthe umhlaba wonke uyakwazi ukuthi umnumnzana Tsvangirai wanqoba umongameli Mugabe ekhethweni luka 2008 kodwa uMugabe wathatha ngodli intambo zombuso.

UMalema uthi isifundo abasithola kulesi sehlakalo kumuyi ngesokuthi ngeke bavume into efana laleyo yenzakala kweleSouth Africa.

“Sithi ebantwini baseSouth Africa, kufuze sithole isifundo emaphutheni abantu beZimbabwe. Indlela esingahlonipha ngayo umnumnzana Morgan Tsvangirai yikuthi singavumi ngitsho lakancane ukuthi labo ababusayo bahlale ngenkani esihlalweni kungakhathalekile ukuthi abantu abasabafuni,” kutsho uMalema.

Umkhokheli webandla le United Democratic Movement uMnu. Bantu Holomisa yena uchaze umuyi njengesibonelo esihle kuzwe leAfrica jikelele.

Ngemva kokugcotshwa kwakhe ukuba ngumongameli wakweleSouth Africa ngeviki ephelileyo, uMnu. Cyril Ramaphosa wethula umbiko enduduzo wathi izizalwane zonke zakweleSouth Africa zimi ndawonye lemuli kamuyi ngalesi sikhathi sosizi.

Inhlanganiso yezisebenzi eyeCOSATU layo yahle yethula owayo umbiko wamazwi enduduzo isithi amazwe wonke asezansi yezwekazi leAfrica kufanele emhloniphe umnumnzana Tsvangirai ngokuba yinkokheli elwela amalungelo ezisebenzi lakazulu jikelele ngendlela ephezulu kakhulu. ICOSATU iveza futhi ukuthi umuyi ubaphe isibonelo esihle abazahlala besikhumbula.

Owaziwa kakhulu kwezokulwela amalungelo ezisebenzi kweleSouth Africa umnumnzana Zwelinzima Vavi yena uthi umnumnzana Tsvangirai wadela konke ayengakuthola ukuze alethele uzulu umbuso okhululekileyo.

please wait

No media source currently available

0:00 0:02:48 0:00

Facebook Forum

XS
SM
MD
LG