HARARE —
Uhulumende wele Denmark usesungule uhlelo lwentuthuko olubiza izigidi ezingamatshumi amane zamadollar-$40million ngomnyaka ukuphathisa uhulumende weZimbabwe okweminyaka ethile elandelayo.
Lokhu kuvezwe yisiphathamandla sikahulumende weDenmark uMnumzana IB Petersen, osekwethekeleleni kwele Zimbabwe okwensuku ezimbili. UPetersen ongunobhala wohlangothi lwezentuthuko elizweni lakhe uthi loluhlelo oluzakuphawulwa phakathi kwawonalo umnyaka, luyingxenye yemizamo yelizwe lakhe yokuvuselela lokuqinisa ubudlelwano phakathi kwamazwe womabili kunhlangothi ezitshiyeneyo okubalisa kwezokuthengiselana.
Ele Denmark, lithi lizinikele ekuthini lisebenzelane leleZimbabwe njalo lizaphathisa abezombusazwe abazinikele ukuletha umbuso okhululekileyo kanye lentuthuko yabaswelayo kwezomnotho kwele Zimbabwe.
Lokhu kutsho ukuba ele Denmark ebelisaziwa ngokuphathisa inhlelo ezigoqela zabohlangothi olubona ngezokuthoniswa kwamacala kanye lohlelo lokulotshwa kutsha kwesisekelo sombuso, selizaphathisa kwezokulima, ukuvuselelwa kwezakhiwo kanye lezombusazwe.
Ele Zimbabwe selicele i-UN ukuba iphathise kunhlelo zokubuthanisa imali ezasetshenziswa ukuqhuba ukhetho olukhangelelwe ukuqutshwa sesibanga emaphethelweni awonalo umnyaka.
Ele Denmark ngelinye lamazwe aphathise eleZimbabwe kakhulu kusukela ngesikhathi sempi yenkululeko ngaphansi kwehlelo ze “ Nordic Solidarity ”. Lelilizwe livale ihofisi yalo kuleli ngomnyaka ka 2002 kodwa laphinda layivula ngomnyaka ka 2009.
Ngakolunye udaba abenhlanganiso yomanyano wamazwe ase Europe i-European Union banikeze uhulumende weZimbabwe uncedo lwezigidi ezilitshumi lambili zamadollar- $12 million, ezasetshenziswa ukuqhuba inhlelo zokuphathisa abalimi bemaphandleni.
Abalimi bazathola lolu ncedo kusukela lonyaka kusiya kumnyaka ka2016 ngenhloso yokuthuthukisa imisebenzi yokulima, ukutholisa ilizwe ukudla okwaneleyo, kanye lokuba abalimi bemaphandleni benelise ukuthola ukudla okwakha umzimba.
Lokhu kuvezwe yisiphathamandla sikahulumende weDenmark uMnumzana IB Petersen, osekwethekeleleni kwele Zimbabwe okwensuku ezimbili. UPetersen ongunobhala wohlangothi lwezentuthuko elizweni lakhe uthi loluhlelo oluzakuphawulwa phakathi kwawonalo umnyaka, luyingxenye yemizamo yelizwe lakhe yokuvuselela lokuqinisa ubudlelwano phakathi kwamazwe womabili kunhlangothi ezitshiyeneyo okubalisa kwezokuthengiselana.
Ele Denmark, lithi lizinikele ekuthini lisebenzelane leleZimbabwe njalo lizaphathisa abezombusazwe abazinikele ukuletha umbuso okhululekileyo kanye lentuthuko yabaswelayo kwezomnotho kwele Zimbabwe.
Lokhu kutsho ukuba ele Denmark ebelisaziwa ngokuphathisa inhlelo ezigoqela zabohlangothi olubona ngezokuthoniswa kwamacala kanye lohlelo lokulotshwa kutsha kwesisekelo sombuso, selizaphathisa kwezokulima, ukuvuselelwa kwezakhiwo kanye lezombusazwe.
Ele Zimbabwe selicele i-UN ukuba iphathise kunhlelo zokubuthanisa imali ezasetshenziswa ukuqhuba ukhetho olukhangelelwe ukuqutshwa sesibanga emaphethelweni awonalo umnyaka.
Ele Denmark ngelinye lamazwe aphathise eleZimbabwe kakhulu kusukela ngesikhathi sempi yenkululeko ngaphansi kwehlelo ze “ Nordic Solidarity ”. Lelilizwe livale ihofisi yalo kuleli ngomnyaka ka 2002 kodwa laphinda layivula ngomnyaka ka 2009.
Ngakolunye udaba abenhlanganiso yomanyano wamazwe ase Europe i-European Union banikeze uhulumende weZimbabwe uncedo lwezigidi ezilitshumi lambili zamadollar- $12 million, ezasetshenziswa ukuqhuba inhlelo zokuphathisa abalimi bemaphandleni.
Abalimi bazathola lolu ncedo kusukela lonyaka kusiya kumnyaka ka2016 ngenhloso yokuthuthukisa imisebenzi yokulima, ukutholisa ilizwe ukudla okwaneleyo, kanye lokuba abalimi bemaphandleni benelise ukuthola ukudla okwakha umzimba.
