amalinks wokungena

Breaking News

IEU Yesula Izijeziso Eyazifakela iZanu PF


Abaphathintambo beEuropean Union bahlangene eBrussels ngoMvulo bavumelana ukuthi izijeziso ezafakelwa iziphathamandla zeZanu PF kumele zifakwe eceleni okomnyaka.

Kodwa abaphathintambo laba bathi izijeziso ezafakelwa uMongameli Mugabe loNkosikazi wakhe uGrace kanye lamankampani agoqela eyeZimbabwe Defence Industries kumele ziqhubeke zikhona.

Abaphathintambo balumanyano ababona ngezemali bakhangelelwe ukuhlangana ngoLwesibili bavumelane ukuthi iEU iqhubeke ngokungasekeli eleZimbabwe kunhlelo eziphathelane lentuthuko.

IEU ikhangelelwe ukwazisa ngenyathelo layo kuzijeziso zeZimbabwe ngoLwesithathu.

Isikhulumeli seZanu PF uMnu Rugare Gumbo uthi ibandla lakhe lifuna izijeziso zonke zesulwe, okugoqela ezafakelwa uMugabe loNkosikazi wakhe.

Ingcwethi kwezombusazwe uMnu Nkululeko Sibanda usole kakhulu inyathelo leEU esithi izijeiso kumele ziqhubeke zikhona.
XS
SM
MD
LG