amalinks wokungena

Breaking News

Madinda Ndlovu: Iqembu leFC Platinum Lilakho Ukunqoba eleOrlando Pirates


Iqembu lenguqu eleFC Platinum

Umqeqetshi weqembu lomdlalo wenguqu ele Highlanders uMadinda Ndlovu uthi iqembu le Orlando Pirates lase South Africa lilakho ukukha phansi ngeSonto lapho lidibana lentshantshu zeZimbabwe, iqembu le FC Platinum enkundleni ye Barbourfields ko Bulawayo.

Iqembu le FC Platinum lele Orlando Pirates azadibana ngeSonto enkundleni ye Barbourfields emdlalweni wakuqala owesibaya sika Group B kumncintiswano we CAF Champions League.

Iqembu le FC Platinum lithethe isinqumo esokuba lidlalele imidlalo yalo eye CAF Champions League enkundleni ye Barbourfields ngemva kokuba inhlanganiso ye CAF ithe inkundla ye Mandava ayilungelanga ukudlalelwa imidlalo yalelizinga.

Ngokwakuqala ukuba iqembu le FC Platinum lifinyelele kusigaba sezibaya kumncintiswano we CAF Champions League ikanti iqembu le Orlando Pirates like lanqoba laphakamisa inkezo ngomnyaka ka 1995 lumncintiswano usabizwa ngegama elithi yi Cup of Club Champions.
Loba kunjalo umqeqetshi weqembu le Highlanders uMadinda Ndlovu uthi abafana be FC Platinum balalo ithuba lokunqoba ngeSonto.

"Singamazwe amabili adlala ngendlela eyehlukeneyo kakhulu kodwa umehluko yikuba kwele South Africa benza izinto zabo ngendlela eqondileyo ikanti thina silabadlali abalethalenta elimangalisayo.
Bona nje yikuba kabasweli lutho kodwa nxa iqembu le FC Platinum lingaqoqeka lingenelisa ukukhulela iqembu le Orlando Pirates."

Iqembu le FC Platinum likhangelelwe ukuba lifike ko Bulawayo ngoLwesibili lizolungiselela lumdlalo wangeSonto.

Amanye amaqembu akusibaya sika Group B ngabalisa ele Etoile Sportive du Sahel elase Tunisia kanye lele Horoya Athletique Club elase Guinea.
Kusenjalo inhlanganiso ye ZIFA ikhuphe umbiko othi itikiti elitshiphileyo elokungena enkundleni libiza amadola amahlanu kuthi eliphezu kwalelo libiza amadola alitshumi ikanti lapho okubiza khona kakhulu abalandeli kumele bayehlukane lamadola angamatshumi amabili.
Lumdlalo ukhangelelwe ukuba ubukelwe yizibukeli ezinengi njengoba iqembu le Orlando Pirates lilabasekeli abanengi edolobheni lako Bulawayo.

please wait

No media source currently available

0:00 0:01:50 0:00

Facebook Forum

XS
SM
MD
LG