amalinks wokungena

Breaking News

IGlobal Fund Ipha IZimbabwe I-US$21M


Inhlanganiso ephathisa amazwe omhlaba ngemali yokulwisana lemikhuhlane egoqela iMalaria, Tuberculosis le HIV AIDS, eye Global Fund isiphe eleZimbabwe imali engangezigidi ezedlula amatshumi amabili zamadollar-US$21 yokuliwisa ukumemetheka kwe HIV le AIDS.

Phezu kwalokho eleZimbabwe selifakwe emqongweni njengelizwe eselenelise ukusebenzisa ngemfanelo imali evela kuGlobal Fund.

Umqondisi wenhlanganiso yeNational Aids Council udokotela Tapuwa Magure utshele iStudio 7 ukuthi imali le izasetshenziswa ekuthengeni imithi yama Anti-retrovirals, izimota loluthuthukisa inhlelo ezimbalwa zeHIV le AIDS.Kodwa abenhlanganiso ezilwela ilungelo lalabo asebephila legcikwane bathi abatholi lutho kulezimali ezivela kuGlobal Fund.

UBrenda Moyo weStudio 7 ukhulume loMnumzana Bernard Nyathi okhokhela inhlanganiso yeZimbabwe HIV and AIDS Activists Union, ehlala njalo kuma Board e National Aids Council leyeGlobal Fund eZimbabwe i Country Coordinating Mechanism. UNyathi uthi imali le izaphelela emoyeni nje ingalethi mahluko empilweni zalabo asebephila legcikwane.

XS
SM
MD
LG