amalinks wokungena

Breaking News

Iqembu lenguqu eleHighlanders Lithola Isipho Sezifela Emlonyeni


Iqembu lenguqu eleHighlanders lisamukela isipho esivele kunkampani yeFortwell Wholesalers
Iqembu lenguqu eleHighlanders lisamukela isipho esivele kunkampani yeFortwell Wholesalers

Abenkampani ye Fortwell Wholesale baphe isipho esezifela emlonyeni kuqembu lenguqu ele Highlanders njalo ukudla lokhu ngokuzabe kudliwa ngabadlali ngesikhathi belungiselela ukuqala kwemidlalo yalonyaka.

Isikhulumeli se Fortwell Wholesale uThulani Dingani uthe lokhu bakwenze ngemva kokuzwa isikhalazo seqembu le Highlanders emsakazweni we Skyz Metro esokuba abazemabhizimusi bako Bulawayo bephathise leliqembu.

I Highlanders ibuye iqoqoda eFortwell bedinga usekelo ngokuvivinya kwabo bengakaqali isizini leyi esibhekane layo eyalonyaka. Thina njenge Fortwell sihle sasukumela phezulu ngoba vele lathi besivele silenhlelo ezokuphathisa umphakathi ngoba vele umphakathi kuyiwo osisekelayo nxa sisebenza.

Iqembu lenguqu ele Highlanders FC
Iqembu lenguqu ele Highlanders FC

UDingani uthe ubudlelwano babo leqembu le Highlanders buzaqhubekela phambili njalo kulenhlelo ezizaqhutshwa ngokuhamba kwesikhathi kukhuliswa lobubudlelwano.

Yikuqala kobudlelwano le Highlanders esikhangelele ukuthi buzakuya phambili. Kulenhlelo ezithile esizathi ukuzihlafuna labe Highlanders esikhangelele ukuthi ngokuya kwesikhathi bazabe bebonakala ezitolo zethu besenza okuthile ukuze lathi sivele emphakathini njenge wholesale enkulu ko Bulawayo.

Ukudla okuphiwe iqembu le Highlanders ngokwamaviki amabili njalo kugoqela impuphu, itshukela, isawudo kanye lamanamunede.

Isiphathamandla seqembu le Highlanders uNhlanhla Dube ukhuthaze amanye amankampani ako Bulawayo ukuba lawo alingise lokhu okwenziwe ngabe Fortwell Wholesale esithi ubudlelwano leqembu le Highlanders kulakho ukubaphathisa kakhulu.

Udaba lobudlelwano beBosso leFortwell Wholesale siluphiwa nguJoseph Njanji
please wait

No media source currently available

0:00 0:01:47 0:00
XS
SM
MD
LG