amalinks wokungena

Breaking News

IHuman Rights Watch Ithi Kufanele Umhlangano WeSADC Summit Uxazulule Ingxabangxoza EseZimbabwe


kufanele kwethulwe umhlahlandlela wokhetho ochasisa konke okufanele kwenziwe njalo kuhlolisiswe ukuthi umhlahlandlela lo uyalandelwa.

Inhlanganiso ebona ngamalungelo oluntu eye Human Rights Watch, isikhuthaze inkokheli zenhlanganiso yamazwe ezwekazi le Africa eyeSADC okukhangelelwe ukuthi ixazulule ingxabangxoza eseZimbabwe emhlanganweni okhangelelwe ukuba khona ngempelansonto.

Inhlanganiso le ithi kufanele kwethulwe umhlahlandlela wokhetho ochasisa konke okufanele kwenziwe njalo kuhlolisiswe ukuthi umhlahlandlela lo uyalandelwa.

Kusenjalo, inhlanganiso ezizimeleyo eZimbabwe lemazweni angomakhelwane zithi kufanele umhlangano ozayo owe SADC Summit ukhuthaze umongameli Robert Mugabe ukuthi engaqhubeki esephula ilungelo loluntu, ikakhulu esebenzisa abezomvikela welizwe.

UNkosikazi Thoba Poyo Dlwati okhokhela inhlanganiso ye SADC Lawyers Association utshele uSithandekile Mhlanga we Studio 7 ukuthi kuyadanisa ukuthi inani lezehlakalo zodlakela lokhu liqonga elizweni lanxa kwabunjwa uhulumende womanyano.

XS
SM
MD
LG