amalinks wokungena

Breaking News

IKennedy Center Isola Ukuhlukuluzwa kweWoza


Inhlanganiso elwela amalungelo oluntu iRobert F. Kennedy Center sisole ukuhlukuluzwa kwamalunga eWoza ngamapholisa esebenzisa amazwi alenkethabetshabi.

Ekubopheni kwawo amalunga eWoza kunsukwana ezedluleyo, amapholisa abikwa elaye amalunga la ukuthi ekele ukukhuluma ngesiNdebele, esithi amaNdebele wonke abulawa ngesikhathi seGukurahundi aphela.

Inhlanganiso le ibitshengisela phezu kokuvalwa kwamanzi ngumanisipala njalo ithi amapholisa la atshela amalunga ayo ukuthi kamelanga ekhonone ngodaba lwamanzi ngoba engelamadamu.

Embikweni ewethule ngoLwesine iKennedy Center, yona elesigodlo sayo eMelika, ikhuthaze abaphathintambo ababona ngendaba zasekhaya ukuthi bakhangelisile loludaba.

Ngelanga linye, iWoza itshengisele njalo phezu kwaloludaba isithi ifuna amapholisa ethula amazwi la ajeziswe.

Isiphathamandla senhlanganiso le uNkosazana Magodonga Mahlangu utshele lumsakazo ukuthi bayakusola kakhulu okwenziwe ngamapholisa.

please wait

No media source currently available

0:00 0:02:03 0:00
Lapho esitholakala khona
XS
SM
MD
LG