amalinks wokungena

Breaking News

Ikhansili YakoBulawayo Ithi Ayikaqali Ukwabela Abantu Amanzi


Ikhansili yakoBulawayo

IKhansili yeDolobho lakoBulawayo isibike ukuba amanzi asemadamu okwamanje ayisilinganiso sokungamatshumi amane alengxenye ekhulwini njalo abakaphumi lesinqumo sokwabela izakhamizi amanzi okusebenzisa ngoba besalinde ukuphela kwesikhathi sezulu.

Isikhulumi seKhansili yakoBulawayo, uNkosikazi Bongiwe Ngwenya ubike ukuba izulu liyagelezela emadamu akoBulawayo nomanje emalutshwana njalo bacela uBulawayo omuhle ukuba alondoloze amanzi.

Uchaze ukuba iKhansili iphakathi kokuhlafuna udaba lokusilela kwamanzi nomanje belamasu ambalwa okuwalondoloza lokuthi abantu bengawasweli amanzi edolobheni.

Okhokhela uhlangothi lwezokulima olwe Agricultural Rural Extension Services esigabeni seMatabeland North, uMnunzana Dumisani Nyoni yena ubike ukuba izulu liyana endaweni ezehlukeneyo njalo izifula sezigeleza lamadamu asethola amanzi okunzanceda abalima ngokuthelezela.

UNyoni ubike ukuba labalimi beBinga asebethe bathola izulu lakuqala njalo sebeqalile ukulima kodwa lezo zilimo zilakho ukuphazanyiswa ngumqando nomaje abanye abalimi sebeqalile ukuvuna ukuze izilimo zabo zingaphazamiswa lizulu elinayo.

Usomabhizimusi wakoBulawayo, uMnunzana Brian Hlongwane yena uthi ukuna kwezulu kulakho ukuvuselela amabhizimisi akoBulawayo. Ethi ngoba amabhizimisi amanengi akade eselomcabango wokusuka koBulawayo esiya kwezinye indawo awasela sizatho sokusuka.

UMlimi odumileyo koBulawayo olima izithelo lembida, uMnunzana Job Jika Ndebele yena uchaze ukuthi uyathokoza ngokuna kwezulu ngoba usezahlala amalanga amanengi engathelezeli izivande zakhe kuthi lamanzi akhe omgodi asezaqansa.

IZimbabwe ibhekane lokutshisa okubangelwa yikuguquka komumo womkhathi lonyaka okwengezwe laliyezi le El Nino, okubangele ukuba izilimo zitshe kodwa kumalanga ambalwa adluleyo izulu seliqale ukuna indawo ezimbalwa osokulethe ithemba ebantwini.

please wait

No media source currently available

0:00 0:03:52 0:00
Lapho esitholakala khona

XS
SM
MD
LG