amalinks wokungena

Breaking News

Ikhansili yakoBulawayo Ilungisisa Amachibi Okuhlambulula Amanzi eCowdray Park


Elinye lamachibi eCowdray Park angena amanzi aphuma ezambuzini

Ikhansili yakoBulawayo isilungisisa amachibi ahlambulula amanzi angcolileyo aphuma ezambuzini lasetshenzisiweyo, elokitshini leCowdray Park ngendleko yamadola azinkulungwane ezedlula amakhulu amane-$423 000 kuthi amanye agqagqele idolobho lawo aphakathi kokulungiswa.

Amachibi aweCowdry Park koBulawayo
Amachibi aweCowdry Park koBulawayo

UManjinela uDhumani Gwetu osaphethe isikhundla sikamanjinela omkhulu wekhansili yakoBulawayo uchaze ukuba balungise amachibi ayisikhombisa bakhupha umquba, bafaka lemitshina ephima isilinganiso samanzi angenayo laphumayo esegezisiwe ukuze umsebenzi wokugcnina amachibi ubelula. Wathi kumachibi akuqala amabili ayiwo abolisa ingcekeza afakwe lemitshina ephephetha umquba ondendayo kuthi ichibi lengcekeza lesikhombisa elalingasasebenzi lalo selilungisiwe osokuzasiza izihlahla zamaGumtree ezithelezelwayo eziselokitshini leLuveve.

UManjinela uGwetu ubike ukuba amachibi engcekeza ayisikhombisa eCowdray Park ayakhiwa ngomnyaka ka1996 ukuba azasiza izindlu ezizinkulungwane ezithobaminwembili-8,000 kodwa manje asesiza ezizinkulungwane ezingamatshumi amabili lanhlanu-25 000, njalo bakhangelele ukwengeza izindlu ezizalahlela amanzi azo kulawamachibi okuzakwenza kwakhiwe amanye amachibi ngokuphangisa.

Obemele uKhansila weCowdray Park, ukhansila Rodney Jele uchaze ukuba udubo olubhekane lezakhamizi uyalwazi njalo iBulawayo iphakathi kokulungisisa zonke inhlupho eziphathelene lokubona ukuba amanzi angcolileyo aphathwa ngendlela ukuze abantu bengahlaselwa yimikhuhlane ebangelwa yingcekeza.

Izakhamizi zeCowdray Park sezileminyaka edlula emihlanu zingela manzi ahlanzekileyo kunye lempompi ezithwala amanzi lencgekeza.

Esinye salezi zakhamizi uNkosikazi Nyarai Nyathi uthi baphila ngendlela engahlanzekanga njalo behlalela evalweni ukuthi imikhuhlane enjengeCholera ilakho ukuqhamuka.

Esinye njalo isakhamuzi umnunzana Melody Tapera Gumbo yena uchaze ukuba ngitsho isikolo seCowdray Park esitsha asila manzi ahlanzekileyo njalo abafundi basebenzisa izambuzi zemigodi ngakho bacela umansipala atholise abafundi izambuzi kunye lamanzi ahlanzekileyo.

Ikhansili yakoBulawayo iphakathi kokulungisa wonke amachibi amanzi engcekeza agqagqele idolobho ngoba isiqede ukulungisa impompi ezithwala amanzi angcolileyo asuka ezindlini esisa emachibini angcolileyo.

Amachibi kunye lempompi zengcekeza zilungiswa ngemali yesikwelede esavela kubhanga leABC.

Izindlu zohlelo lweHlalanikuhle eCowdray Park ezasungulwa ngemva kokuba uhulumende edilizele abantu izindlu koBulawayo yizo ezibhekane lokuswela amanzi ahlanzekileyo kunye lempompi ezithwala amanzi angcolileyo kodwa umanisiphala wakoBulawayo useqalile ukudonsa impompi zamanzi ahlanzekileyo langcolileyo ngemizameni yokuqeda udubo olubhekane lezakhamizi.

please wait

No media source currently available

0:00 0:05:40 0:00
Lapho esitholakala khona

XS
SM
MD
LG