WASHINGTON DC —
Umanisipala wakoBulawayo sevale elinye njalo idamu ngoba lingaselamanzi, okulakho ukubangela ukuthi ehlise amalanga uzulu athola ngawo amanzi.
Ukuvalwa kwedamu leLower Ncema kwengeza udubo lwamanzi lelidolobho elibhekane lalo.
Uzulu uthi wesabela ukuthi udubo lolu lulakho ukubangela imikhuhlane efana leCholera, yona eke yabulala inkulungwane zabantu eHarare kuminyaka emithathu edluleyo.
Izakhamizi zakoBulawayo ezinengi okwamanje zithola amanzi kathathu kuphela ngeviki kuthi ezinye ziwathola kabili, kusiya ngamalokitshi.
Ukhansila weMpopoma, uMnu Elmon Mpofu utshele iStudio 7 ukuthi ukuna kwezulu yikho kodwa okungaqeda loludubo ngoba uhulumende ekhanya engafuni ukuncedisa ikhansili ekulungiseni isikotsho ezifileyo.
Wengeze wathi amadamu amathathu asesele lawo selamanzi amalutshwana njalo alakho ukuvalwa nxa izulu lingaphza ukuna.
Inhlanganiso yezakhamizi zakoBulawayo, iBulawayo Progresive Residents Association ithi ukusilela kwamanzi sokusenza uzulu asebenzise iganga nxa esiya ngaphandle.
Isiphathamandla salinhlanganiso uMnu Rodrick Fayayo uthi lokhu kulakho ukubangela imikhuhlane.
Ukuvalwa kwedamu leLower Ncema kwengeza udubo lwamanzi lelidolobho elibhekane lalo.
Uzulu uthi wesabela ukuthi udubo lolu lulakho ukubangela imikhuhlane efana leCholera, yona eke yabulala inkulungwane zabantu eHarare kuminyaka emithathu edluleyo.
Izakhamizi zakoBulawayo ezinengi okwamanje zithola amanzi kathathu kuphela ngeviki kuthi ezinye ziwathola kabili, kusiya ngamalokitshi.
Ukhansila weMpopoma, uMnu Elmon Mpofu utshele iStudio 7 ukuthi ukuna kwezulu yikho kodwa okungaqeda loludubo ngoba uhulumende ekhanya engafuni ukuncedisa ikhansili ekulungiseni isikotsho ezifileyo.
Wengeze wathi amadamu amathathu asesele lawo selamanzi amalutshwana njalo alakho ukuvalwa nxa izulu lingaphza ukuna.
Inhlanganiso yezakhamizi zakoBulawayo, iBulawayo Progresive Residents Association ithi ukusilela kwamanzi sokusenza uzulu asebenzise iganga nxa esiya ngaphandle.
Isiphathamandla salinhlanganiso uMnu Rodrick Fayayo uthi lokhu kulakho ukubangela imikhuhlane.