amalinks wokungena

Breaking News

IKhisimusi Yalonyaka Ngeqandayo Kutsho Inengi labeZimbabwe


A super blue blood moon rises behind the 2,500-year-old Parthenon temple on the Acropolis of Athens, Greece.
A super blue blood moon rises behind the 2,500-year-old Parthenon temple on the Acropolis of Athens, Greece.

Uzulu kunhlangothi zonke zempilo, uchaza ikhefu leKhisimusi lalonyaka, njengeliqandayo, bengazake bakubone lokhu nxa kukhangelwa iminyaka yangemuva, kungekho nzuzo ekhona kubosomabhizimusi ezigabeni ezehlukeneyo, ehluleke ukuvakatshela izihlobo labangane ngoba ingekho imali yokwenza lokho.

Abakubhizimusi bavame ukuthola inzuzo enkulu ngalesi sikhathi sekhefu, uzulu elemali yokuthenga akufunayo, kodwa bathi akunjalo lonyaka.

Abathengi lonyaka abala mali ngakhoke abathengi
Abathengi lonyaka abala mali ngakhoke abathengi

Unkosazana Siboniso Ndlovu wakoMadabe eMangwe District ungomunye wabesifazane abaphatheke kwezamabhizimusi, epheka lokuthengisa ukudla, esewavula indawo yakhe ethiwa yiMnandi Restaurant.

ENkabazwe kuyisonaleso, lapho uNkosazana Monitor Ntini wase Sikombingo kuWard 6, ethi kungakhanyi ukuba kuphakathi kwekhefu le khisimusi.

Unkosikazi Sithembile Sibanda ngumama odabuka eMangwe koNgwanyana olengane eziyisikhombisa. Laye uchaze iKhisimusi yalonyaka njengeyahlukile kuleyeminye iminyaka lapho uzulu ayejabula khona ngalesi sikhathi.

Bekwehlukile ngesikhathi yena labentanga yakhe besakhula,uNkosikazi Sibanda uthi uyabazwela abakhula kuyonale iminyaka ngoba bengasoke bakuzwisisa lapho kuthiwa kwakujatshulwa kakhulu eminyakeni yangemuva.

Ngalesi sikhathi somnyaka bekusiba yiziphithiphithi,kudatshulwa imimango, uzulu ephakathi kwenhambo ukuyabonana lokujabula lezinini labangane, kungaba semakhaya loba kwamanye amadolobha.

Kodwa lonyaka akunjalo,uzulu eseqakathekisa ukudinga imali yokusebenzisa kokuqakathekileyo okubalisa imali yokuthelela lapho behlala khona,ezesikolo sabantwababo ukuze lapho zivulwa babe sebezihlawulile kanye lokuba bathole okuya ethunjini.

XS
SM
MD
LG