amalinks wokungena

Ikilinika yeMabvuku Isithuthukiswe Yaba Yisibhedlela

  • Mavis Gama

Izakhamizi zemzini weMabvuku eHarare zamukele ngenjabulo ukuthuthukiswa kwekilinika kamanisipala kulowo muzi yaba yisibhedlela esizasiza ukwenqabela inkinga ezithile, ikakhulu omama nxa bebeletha.

UNkosikazi Sipho Manyawu wemzini weOld Tafara ngomunye wabatshengise ukujabula ukuba iqheliswe yaba yisibhedlela ikilinika yeMabvuku.

Ukhuthaze ukuthi kudingwe indlela zokulondoloza ingane ukwenzela ukuthi zingatshontshwa.

UMayor weHarare, uMnu. Bernard Manyenyeni, owethekelele indawo ezitshiyeneyo edolobheni leli, uthe ikilinika le izanceda kakhulu abantu abahlala kuleyondawo.

Esuka eMabvuku, uManyenyeni lomkakhe balubhekise esitolo sako OK lapho athenge khona impahla yokunikeza abampofu abahlala emizini egcina abantu asebeluphele lentandane.

Impahla le ithengwe kusetshenziswa imali yesikhwama se Mayor’s Christmas Cheer Fund.

Baqhubeke belibazisa uzulu abechoir kamanisipala behaya ingoma ebezimumethe imibiko yokubaqinisa ngesikhathi uMayor lequla lakhe bebhoda bebonana lezigulane kuhambo lwabo lokuya esibhedlela seBeatrice Infectious Hospitals eMabvuku.

XS
SM
MD
LG