amalinks wokungena

Breaking News

Ikomishini Yezokhetho Iyaqala Ukubhalisa Abantu Abazavota Ngo2018


Ikomishini ebona ngokuqhutshwa kokhetho, iZimbabwe Electoral Commission (ZEC) ngoLwesine izasungula ngokusemthethweni uhlelo lokubhalisa abantu abazavota kukhetho lomnyaka ozayo.

Ukusungulwa kwaloluhlelo kulandela isaziso sikaMongameli Mugabe ngeviki edluleyo esokuti iZEC izaqala ukubhalisa abantu mhlaka 14 kuyonale inyanga iyeqeda ngoZibandlela mhlaka 15.

Umgcinisihlalo weZEC uNkosikazi Rita Makarau utshele iStudio 7 ukuthi uMogameli Mugabe nguye ozasungula loluhlelo ekuseni eState House lapho abazabhalisa khona abantu abalutshwana.

Wengeze wathi ukubhalisa abantu ngobunengi elizweni lonke jikelele kuzaqala kusikhatshana esizayo nxa sebethole imitshina yamaBiometric Voter Registration Kits eyaneleyo.

Ngakolunye uhlangothi inhlanganiso ezizimeleyo ziqhuba umkhankaso wokwazisa uzulu ngokuqala kohlelo lokubhalisela ukuvota.

Enye yalezinhlanganiso yiAbammeli Human rights Lawyers Network, eyinhlanganiso yamagqwetha alwela amalungelo kazulu.

Umqondisi walinhlanganiso uMnu Tineyi Mukwewa uthi baqhuba umkhankaso lo endaweni ezitshiyeneyo zedolobho lakoBulawayo.

Ingxoxo loMnu Tineyi Mukwewa
please wait

No media source currently available

0:00 0:02:02 0:00

Facebook Forum

XS
SM
MD
LG