amalinks wokungena

Breaking News

Ikomishini Yokuxolelana Isola Udlakela


Ikomishini ebona ngokukhumisana umlotha isikhuthaze ingatsha zomthetho ukuthi zijesise kalukhuni bonke abantu abaphatheka kundaba zodlakela.

I-National Peace and Reconciliation Commission ixwayise njalo amabandla ezombusazwse ukuthi etshiyane lomkhuba wodlakela njalo engaze asebenzisa abasakhulayo ukuhlukuluza uzulu.

Ikomishini le ithi kumele kube lokuthula ukuze ukhetho oluzayo luqhutshwe ngokukhululekileyo njalo ngendlela ezakwamukelwa ngabanengi.

Ixwayise amabandla ezombusazwe njalo ukuthi etshiyane lokwethula imbiko ephehla inzondano ebantwini.

“Sikhuthaza amapholisa, abatshutshisi kanye labahluleli bemithethwandaba ukuthi bejezise zonke izephulamthetho kungelabandlululo,” kutsho ikomishini le embikweni ewethule ngoLwesibili.

Umbiko lo uza ngemva kodlakela oluqhamuke eHarare ngeviki edluleyo lapho okutshaywe khona umholi webandla leNational People’s Party uNkosikazi Joice Mujuru ngamalunga eZanu PF.

Amapholisa abopha abasekeli beZanu PF ababili phezu kodlame lolu.

Ikomishini ebona ngokuqhutshwa kokhetho, iZimbabwe Electoral Commission layo yethule umbiko ofanayo kunsukwana ezedlule.

Sixoxe lolwela amalungelo oluntu uMnu Difa Dube yena othi mpela abatholakala babangela udlakela kumele bejiziswe kabuhlungu.

please wait
Embed

No media source currently available

0:00 0:02:48 0:00

Facebook Forum

XS
SM
MD
LG