amalinks wokungena

Breaking News

Imali Etholakale Ekuthengisweni kwegwayi Lonyaka Inengi Lanxa Nje Lona Belililutshwana


FILE - A worker smokes a cigarette at the opening of the 2012 selling season at Zimbabwe's Boka Tobacco Sales Floor in Harare, Feb. 15, 2012.

Ugatsha olubona ngokuthengiswa kwegwayi olweTobacco Industry and Marketing Board luthi lanxa isivuno salonyaka besehlile nxa siqathaniswa lesanyakenye, imali etholwe lilizwe lonyaka inengi ukwedlula etholakale nyakenye.

Abalimi bathengise igwayi elifika ku178.7 million kgs kuphela ngenxa yokusilela kwezulu. Nyakenye bathengisa ama-kgs angu233.6 million.

Lokhu kutsho ukuthi isivuno salonyaka sehle ngesilinganiso samatshumi amabili lantathu ekhulwini, 23 percent ngokubika kwenkundla ethula izindaba ebulenjini, iReuters.

Lanxa isivuno salonyaka sehlile, imali etholwe ngabalimi ikhwelile isuka kuUS$447 million etholakale nyakenye yaya kuUS$460.7 million lonyaka.

Isizatho yikuthi intengo yegwayi ibithe xaxa lonyaka, kutsho ocubungula ezenotho uMnu Reggie Shoko.

“Uzananzelela ukuthi igwayi lonyaka belithengwa ngemali ephakathi kweUS$4 leUS$5 i-kg. Kodwa ngomnyaka odluleyo i-kg ibithola iUS$4, ibiyiyo intengo ephezulu,” kutsho uMnu Shoko.

Ugatsha lokuthengiswa kwegwayi lolokwenjiwa kwamatshe aligugu kanye lolokwethekelelwa kwelizwe yizo ezihamba phambili ekutholiseni ilizwe imali yangaphandle.

Omunye njalo ocubungula ezenotho uMnu Masimba Kuchera uthi inkulu indima edlalwe yikuthengiswa kwegwayi lonyaka ngoba ugatsha lwezokwethekelelwa kwelizwe alukhangelelwanga ukulethela ilizwe imali enengi ngenxa yomkhuhlane weCovid-19.

please wait

No media source currently available

0:00 0:05:18 0:00

Facebook Forum

XS
SM
MD
LG