amalinks wokungena

Breaking News

Livuselelwe Iphephandaba leMDC-T eleChanging Times.


Ugwalondaba lwebandla leMDC-T olwe The Changing Times

Umkhokheli webandla leMDC-T, uMnu. Morgan Tsvangirai uthi isinqumo esathathwa libandla lakhe ukungangeni kukhetho, nxa kungalungisiswanga imithetho esekela ukhetho olukhululekileyo sesisekelwa ngabanengi asebebone ukuthi okwamanje imithetho ekhona yenqabela ukhetho olukhululekileyo.

UTsvangirai ubekhuluma eHarare ngoLwesihlanu, embuthanweni wokuphawula ukuvuselela iphephandaba lebandla lakhe elithiwa Changing Times.

UTsvangirai uphe njengesibonele ukhetho olwenziwe eHurungwe West lodlakela oluqhamuke kuyonale iviki eHarare.

Uthi isisekelo sombuso welizwe sikubeka sobala ukuthi uzulu kumele abe lethuba lokwethula imbono yakhe ekhululekile esithi kodwa amaphephandaba kahulumende alomkhuba wokumgcona kunye lalabo abele imbono ehlukile lawebandla le Zanu PF.

Umsekeli wesikhulumeli seMDC-T koBulawayo, uMnu. Felix Magalela Sibanda utshele umsakazo weStudio Seven ukuthi iphephandaba labo lizakupha ithuba iziphathamandla zebandla ukuthi zethule imbono yazo ingafakelwanga isawudo loba imigoqo njengalokhu okwenziwa ngamaphephandaba kahulumende lemisakazo.

"Ungakhangela khathesi amaphephandaba afana laboChronicle labo Herald kanye lemisakazo enjenge ZBC yethula imbiko egcona sikhathi sonke umkhokheli wethu uTsvangirai kodwa behlabela ingoma zokuhaya uMongameli Robert Mugabe leziphathamandla zakhe" utsho njalo uSibanda.

please wait

No media source currently available

0:00 0:02:11 0:00
Lapho esitholakala khona

XS
SM
MD
LG