amalinks wokungena

Breaking News

IMelika Ithi Iyasuthiseka Ngamalungiselelo Awokhetho eZimbabwe


UNkosikazi Jennifer Savage.

Ekhuluma ngemva komhlangano awenze lomlawuli wedale lephalamende uMnu. Jacob Mudenda eHarare , osaphethe isikhundla sokummela iMelika eZimbabwe uNkosikazi Jennifer Savage, uthi ilizwe lakhe liyasuthiseka ngamalungiselelo okhetho.

UNkosikazi Savage walile ukukhuluma ngodaba lokuthi abamabandla phikisayo kabajabuli ngokuthi uhulumende lokhe engakaguquli umthetho ophathelane lokhetho.

Uqhubeke ethi kunengi okuhle asebekuzwile ngamalungiselelo okhetho lwalonyanga elethemba lokuthi uhulumende uzagcwalisa zonke izithembiso azenzayo emphakathini.

Esephatha ngomhlangano awenze loMudenda uthe ngeminye yemizamo yokuthuthukisa lokuqinisa ubudlelwano phakathi kweZimbabwe leMelika.

Wathi iMelika izaqhubeka iphathisa ele Zimbabwe enhlangothini ezitshiyeneyo zempilo, ungakhathalekile ukuthi kwenzakalani elizweni, esipha isibonelo sokuthi ilizwe lakhe lisanda kupha isipho soncedo lwezigidi ezilikhulu lamatshumi amahlanu zamadollar phansi kohlelo lokuphathisa kwezempilakahle ikakhulu kwezokuvimba ukuthelelanwa kwegcikwane lengculaza ele HIV, olwe President’s Emergency Plan for AIDS Relief kumbe i PEPFAR.

Ele Zimbabwe liqhuba ukhetho lokudinga umongameli lamalunga edale lephalamende lonyaka okwakuqala ngemva kokuthola uzibuse kweleBhilithani, kungela owayengumongameli Robert Mugabe.

Umongameli Emmerson Mnangagwa usethembise umhlaba jikelele ukuthi umuntu wonke ukhululekile ukuzobona ukhetho luqhutshwa ezimbabwe njalo usenxuse inhlanganiso lamazwe amanengi womhlaba.

Udaba losaphethe isikhundla sommeli weMelika eZimbabwe uNkosikazi Jennifer Savage
please wait

No media source currently available

0:00 0:02:31 0:00

Facebook Forum

XS
SM
MD
LG