amalinks wokungena

Breaking News

IMelika Yesula Amagama Abantu Abafayo Kuzijeziso

  • Ntungamili Nkomo

usa flag
Uhulumende weMelika ngoLwesine wesule amagama amalunga eZanu PF alitshumi kuluhlu lwezijeziso, kodwa abanengi balababantu kudala batshona.

Ababili kuphela, abathi uMnu Edward Chindori Chininga loMnu Tinaye Chigudu yibo abaphilayo.

Asebafayo abesulwe kuluhlu lolu ngababalisa uMnu Solomon Mujuru, uDavid Karimanzira, uMnu Solomon Tawengwa, Stan Mudenge, Khantibhal Patel loBarbra Mandizha.

Ummeli weMelika eHarare uMnu Bruce Wharton uthi uhulumende wakhe uzakwesula izijeziso zonke kuphela nxa kuthe kwaba lenguquko esobala kwezombusazwe njalo uhulumende sehlonipha umbuso okhululekileyo.

Kodwa ibandla leZanu PF lithi lifuna izijeziso zonke zesulwe kungela migoqo.

EleMelika ngelinye lamazwe afakela uMongameli Mugabe labanye bakhe izijeziso eminyakeni edluleyo ebethesa umlandu wokungahloniphi amalungelo oluntu.

Ingcwethi kwezombusazwe njalo efundisa ezombusazwe ekolitshini leHuddersfield University eUK uMnu Nkululeko Sibanda uthi ngempela kuyadingeka ukuthi kube lenguquko izijeziso zonke zingakesulwa.

please wait

No media source currently available

0:00 0:02:07 0:00
Lapho esitholakala khona
XS
SM
MD
LG