amalinks wokungena

Breaking News

Imihlolo koMadlambudzi: Usobhuku Utholakala Elebhokisi Eligcwele Ubulongwe Babantu


FILE - A witch doctor sits in her shop in South Africa, May 1994.

Kusehlakalo esitshiye uzulu wakoMadlambudzi ePlumtree ekhuza umhlola, kulosobhuku okhitshelwe ithiranka ebigcwele ubulongwe babantu ngoWafawafa.

Owafawafa laba ngamalunga esonto yeZion azithi ayenelisa ukukhipha ontikoloshi njalo badabuka eTsholotsho.

Bebebizwe esikolo seMadlambudzi High School yizakhamizi ezithi sezidiniwe ngobuthakathi obenzakalayo kulesi sigaba.

Kube lokufuthelana kulumbuthano phakathi kwaboWafawafa laba lamapholisa wona acine edubula umbhobho emoyeni emizameni yokuchitha abantu.

Iqale kanje indaba: Izakhamizi zibize oWafafawafa ukuzecacisa ukuthi omunye ubaba owayesebenza esikolo seMadlambudzi owafayo onakanelwa ukuthi wafakelwa ekudleni, wadliwa yini kahle-kahle.

Phezu kwalokho kulabantwana besikolo abafayo labo ngendlela esolisayo.

Izakhamizi zicine ke zibiza oWafawafa ukuthi bazecwayisisa ngokutshona kukababa lo owayesebenza esikolo.

Babuyile ke benza imithanithani yabo bakhipha abakukhiphayo kodwa bathe sebezama ukuya endlini yomunye umbalisi owake waba ngumphathisikolo bathola ejamile wavele wabatshela ukuthi baphume baphele.

Ubikwa esuke wafonela amapholisa lumbalisi wasesiza umember-in-charge engasadlanga nkotshana wadubula umbhobho ezama ukuchitha abantu kodwa induna uChief Madlambudzi wayala ukuthi umcimbi lo uchithwe.

UMadlambudzi usole kakhulu ukwenxa kwamapholisa waphinda wakhuthaza abantu abalemithi engalunganga ukuthi batshiyane lalo umkhuba.

please wait

No media source currently available

0:00 0:02:07 0:00

Facebook Forum

XS
SM
MD
LG