amalinks wokungena

Breaking News

Imota kaGrace Mugabe Ebiza Imali Enengi Okumangalisayo Ingqikilana Leyinye eBotswana


Imota kaNkosikazi Grace Mugabe eyohlobo lwe Porsche (elombala obomvu) esenkambeni yamapholisa kwele Botswana.

Imota ezinthathu ezika Nkosikazi Grace Mugabe lomntanakhe uMnu. Russel Gorezara, ziyenze ingozi ngoLwesihlanu ntambama duze leGaborone kwele Botswana, lapho ebezikade zisendleleni yokuya kwele South Africa.

Imota ezintathu lezi, ezibalisa iRolls Royce, iRange Rover kanye le Porsche, zona ezibiza izigidi lezigidi zamaPula, ziqale zabhekana lobunzima bokungena kwele Botswana.

Kubikwa ukuthi amapholisa kanye logatsha lweCustoms kwele Zimbabwe, kade bedingisisa ukuthi kungani umntaka Nkosikazi Mugabe efuna ukuzikhipha elizweni.

Bekulama hunga hunga wokuthi uGorezara usefisa ukuyahlala esebhabha yezikhulu eSandton kwele South Africa, ngakho-ke ubezama ukukhipha eyinye imali eZimbabwe.

Ngemva kwamahola belinde emngceleni wePlumtree, uGorezara labanye ababili, bavunyelwe ukungena lezimota kwele Botswana.

Kodwa-ke kuthe kusanda kutshaya ihola letshumi ntambama, imota zonke zontathu zangena kungozi emzini weArtisia, kusele amakhilomitha angamatshu lasitshiyagalombili ukuthi bafike eGaborone.

Kubikwa kuthutshe inkomo phambi kwemota zonthathu, kwathi ngesikhathi abatshayeli bezinika indlela yokuthi zidlule, kwathutsha eyinye imota ingananzeleli ukuthi kule nkomo eziquma umgwaqo.

Imota le kuthiwa ithuza zonke zonthathu, noma nje zingahlephukanga kakhulu.

IRange Rover ebithwelwe ngeyinye imota ibikwa

ibelohlupho ngemva kulandela eyinye ingozi eyenzakala eZimbabwe.

Amapholisa emzini weMochudi duze leGaborone, ayiwo abambe loludaba, avumile ukuthi kube lengozi. Bathe basacwayisisa udaba lolu njalo omkhulu wenkamba yamapholisa kade engekho emsebenzini lamuhla ukuthi anikeze intathelizindaba ngokugcweleyo phezu kwalesi sehlakalo.

Isizalwane seZimbabwe esihlala kwele Botswana, uMnu. Andreas Sibanda, uthi kuyamangalisa ukuthi abantwana baka Nkosikazi Mugabe babonakala betshingisa inotho engaka ngesikhathi inengi lihlupheka ekhaya.

“Lokhu kusobala ukuthi imuli kaMugabe yiyo ethethe inotho yonke, uzulu weZimbabwe yena edubaka kangaka.”

IStudio 7 icwayisise ukuthi imota lezi lamuhla zingabe zingaphi ngemva kwengozi yayizolo, kwatholaka iRolls Royce kweyinye ihotela ephezulu, endaweni okuhlala izinothi ePhakalane, kwathi iPorsche ilokhe ibanjwe emapholiseni eMochudi.

Akukacaci ukuthi izimota lezi zizadlulela nini kwele South Africa njengoba sezingene engozini.

Imota kaGrace Mugabe Ingikilana Leziye Kwele Botswana
please wait

No media source currently available

0:00 0:02:16 0:00

Facebook Forum

XS
SM
MD
LG