amalinks wokungena

Breaking News

Impala Car Rental: Siphatheke Kabi Ngokuthi Imota Yethu Yasetshenziswa Ukuthumba uMuchehiwa


Heavy traffic is seen in the Ocean Beach neighborhood of San Diego, California, ahead of the Fourth of July holiday July 3, 2020.

Inkampani eqatshisa izimota, eyeImpala Car Rental ithi iphatheke kubi ngokusetshenziswa kwemota yayo kusehlakalo sokuthunjwa kosakhulayo uMnu Tawanda Muchehiwa ngabantu abanakanelwa ukuthi ngabezomvikela.

Ngemva kokuhlaselwa ngabantu enkundleni yeTwitter besithi kumele inkampani le iveze ukuthi ngubani owayeqatshe limota, umqondisi wayo uMnu Thompson Dondo wethule umbiko ngoMgqibelo esithi bakhathazekile ngokuthi imota yabo yasetshenziswa ngalindlela.

Kodwa uDondo uthe iImpala Car rental kayilamandla okutshela abantu ukuthi kumele benzeni kumbe bengenzini ngezimota zabo nxa beziqatshile.

Uthe ngempela bakhona abangasebenzisa izimota zabo ukuganga bona bengakwazi njengabantu abathumba uMnu Muchehiwa laba bayamtshaya okwensuku ezintathu walimala kakubi.

Kodwa uthe inkampani yakhe izimisele ukuvezela amapholisa angaba ephenya udaba lolu ukuthi limota yaqatshwa ngubani.

Khepha uthe ngaphandle kwamapholisa, kabanelisi ukuvezela yiloba ngubani limininingwane.

Abantu abanengi bakusolile lokhu kuTwitter besithi uMnu Dondo lenkampani yakhe balomlandu wokuvezela imuli kaMuchehiwa ukuthi ngubani owasebenzisa imota le, engeyohlobo lweFord Ranger, ukumthumba lokumhlukuluza esetheswa umlandu wokuqoqa ukutshengisela okwakumele kwenziwe ekupheleni kwenyanga edluleyo.

Abanye baqala umkhankaso wokukhuthaza uzulu ukuthi angaze aba esaqatsha izimota zeImpala ngoba besithi zithumba abantu.

Inkundla yeZimLive ilandele umkhondo walimota isuka lawo koBulawayo lapho eyabanjwa khona yi-camera ihluthuna uMuchehiwa - ongumzukulu kaMduduzi Mathuthu, umhleli walinkundla - laye obikwa wayedingwa ngabantu laba besithi ungomunye wabantu abazama ukugenqula umbuso weZanu PF.

Iwulandelile lowomkhondo waze yayayifikisa eImpala Car Rental eHarare.

Ukuhlaziya loludaba sixhume olwela amalungelo oluntu uMnu Mbuso Fuzwayo yena othi inkampani le kumele iveze umuntu owayehamba ngalimota ngoba yasetshenziswa ukuganga.

please wait

No media source currently available

0:00 0:02:23 0:00

Isikhulumeli samapholisa uMnu Paul Nyathi utshele iStudio 7 ukuthi ubengelisi ukukhuluma ngoba ubephathekile ngokunye okuphuthumayo.

Facebook Forum

XS
SM
MD
LG