Ugatsha lwezempilakahle lubika ukuba inani lasebefunyenwe belegcikwane leCoronavirus eZimbabwe, seliqonge laya kwabalitshumi lasikhombisa, labulala abathathu oyedwa wabo engowakoBulawayo.
Kuthike inani lasebefunyenwe lilegcikwane emhlabeni jikelele selisondela kuzigidi ezimbili -1,949,210, phakathi kwalelo nani iMelika yiyo elokhu ikhokhela, ilenkulungwane phose ezingamakhulu ayisithupha-584,073.
Emhlabeni jikelele, sebezinkulungwane ezedlula ikhulu lamatshumi amabili- 121,987 asebebulwe yiCovid 19.
Emazweni awezwekazi leAfrica sebezinkulungwane ezedlula ezilitshumi lanhlanu- 15,300, asebefunyenwe belegcikwane leCoronavirus. ISouth Africa lokhu ikhokhela ekubeni lenani eliphezulu lasebefunyenwe belegcikwane leli, ezwekazi leAfrica esilenkulungwane ezedlula ezimbili- 2,272, lilandelwa yi Egypt esilenkulungwane layo ezedlula ezimbili-2,190.
ICovid 19 isibulele abangamakhulu edlula athoba minwemibili-835, ezwekazi leAfrica, kuthi asebesinde kuyo sebezinkulungwane phose ezintathu-2,946.