amalinks wokungena

Breaking News

Abantu Ababili Babathathu Abafunyenwe BeleCovid 19 eZimbabwe NgoLwesine Babikwa Bebevela KweleBotswana


Coronavirus

Ugatsha lwezempilkahle lubika ukuba kulabathathu abahlolwe izolo bafunyanwa belegcikwane leCovid 19. Ababili babo bebengabaphindele ekhaya bevela kwele Botswana, kuthi oyedwa eyisakhamuzi sase Harare esingela mbali yokuphuma elizweni.

Lokhu kutsho ukuba inani lasebetholakale belegcikwane eZimbabwe, seliqonge laya kwabangamatshumi amahlanu lanye-51. Okwamanje sokusinde abantu abalitshumi lathobaminwemibili-18, kuthi abagulayo ngeCovid 19, sebengamatshumi amabili lathobamunwemunye-29, yabulala abane.

Asebehloliwe ukuba balegcikwane leCovid 19, loba hatshi eZimbabwe, lokhu laqhamukayo, ngoMbimbitho lonyaka, sebezinkulungwane ezingamatshumi edlula amathathu-34,707.

Abekholitshini leJohn Hopkins University lakweleMelika babika ukuba emhlabeni jikelele asebefunyenwe belegcikwane leCoronavirus sebeyizigidi ezedlula ezinhlanu-5,128,492. Kuthi asebebulewe yileligcikwane, sebezinkulungwane ezedlula ezingamakhulu amathathu-333,489, kodwa asebesinde kulumkhuhlane sebeyizigidi ezedlula ezimbili-2,098,615.

Emazweni awezwekazi leAfrica asebefunyenwe belegcikwane leli, sebezinkulungwane ezedlula ezilikhulu-100,330, labulala inkulungwane phose ezintathu-3,101, kwasinda inkulungwane ezingamatshumi phose amane-39,416

Facebook Forum

XS
SM
MD
LG