amalinks wokungena

Breaking News

Indizamtshina yeMelika Ibanjwa eHarare International Airport


Indizamtshina yakwele Melika ebanjwe eHarare Inernational Airport

Kule ndizamtshina yakwele Melika ebanjwe egcekeni lendizamtshina eye Harare International Airport ngeSonto ngabenhlanganiso eqondisa ukuhamba kwendizamitshina abe Civil Aviation Authority of Zimbabwe ngemva kokutholakala ilesidumbu kanye lemali enengi kakhulu.

Umqondisi owe Civil Aviation Authority of Zimbabwe, uMnu. David Chawota, utshele iStudio 7 ukuthi lindizamtshina isukele kwele Germany ngoMgqibelo ntambama ilubhekise eDurban kwele South Africa, imiswe ngamapholisa ngemva kokufunyanwa ithonta igazi okwenze izisebenzi zegcekeni lendizamtshina ele Harare International Airport zabiza amapholisa .

Amapholisa abikwa ethe esefikile angene phakathi kwendizamtshina le eye nkampani ye Western Global Airlines afumana kulesidumbu kanye lemali yakwele south Africa yamarand kodwa engabikwanga ukuthi ibe kuyimalini.

Ummeli weSouth Africa eZimbabwe umnumzana Vusi Mavimbila, utshele i-Studio 7 ukuthi lindizamtshina ibithwele impahla ebithengwe ngabebhanga elikhulu lelizwe lakhe ele Reserve Bank of South Africa kodwa laye walile ukuveza ukuthi bekuyimalini ebiphakathi. Kufunyenwe izizalwane ezimbili zakwele South Africa ezibikwa kuyizisebenzi zebhanga le Reserve Bank of South Africa. Amapholisa acubungula lolu daba alile ukuveza okunengi ngalo besithi kusesemasinya ukuthi baveze okunengi.

XS
SM
MD
LG