amalinks wokungena

Idla Ubhedu Ingoma kaMsiz’kay

  • Joseph Njanji

UMsiz'kay utshaye ingoma ejabulisa umzimba.

Kuliviki kuhlelo lweWoza Friday silomculi uMsiz’kay olengoma edla ubhedu
kulezinsuku ethiwa Ngiyakukhumbula.

UMsiz’kay owaziwa kakhulu ngokutshaya ingoma zohlobo lwe hip hop
weboleke ichorus yengoma eyodumo eka Lovemore Majaivana ethiwa ‘Umoya Wami’ njalo uthi lokhu ukwenze ukuze alimukise abasakhulayo ukuba bengalahli unyawo lwakudala.

“Bengikhangelele ukuba esikhathini esinengi abantu bakithi bacina
besebenzisa ingoma zakudala ezakwamanye amazwe besekela ukuthi
besebenzise ingoma zakithi ezikhona njalo ezithakazelelwa ngabantu.
Yikho ke lapha ngizama ukuba umphakathi ukhwabithe ezake zadla ubhedu
ngokuziphendukisa ngonyawo olutsha.”

UMsiz’kay uthi ingoma le ethiwa ‘Ngiyakukhumbula’ ikhuluma ngomuntu
ongaphandle kwelizwe ocabanga isithandwa sakhe asitshiye koBulawayo.
Loludaba luqhubekela phambili kodwa eseyitshaya ngohlobo lwe house
music ephathisa umngane wakhe u V.O.P lapho lowomuntu esephendukile
njalo leloculo balibiza ngokuthi Homecoming.

Ingoma ethiwa Ngiyakukhumbula ivutha amalangabi emsakazweni we Skyz
Metro FM osakaza edolobheni lako Bulawayo lasendaweni ezigqagqele
lelidolobho njalo uMsiz’kay uthi ukuba khona kwalumsakazo sekudale
ukuba imisebenzi yakhe yazakale.

“Ukubuya kwe Skyz Metro kube yinto enhle kakhulu emsebenzini kaMsiz’kay
ngoba nxa ngihamba nje ezindaweni ngiyezwa abantu besitsho ukuba
bangizwe emsakazweni. Kuyancedisa kakhulu ngoba umphakathi ususizwa
ingoma ezinengi.”

UMsiz’kay ucindezela imisebenzi yakhe eHouse of Rising Sounds Studio
etholakala elokitshini lase Gwabalanda njalo uhlezi esebenzelana
labanye abaculi abasebenzela kulindawo.

Facebook Forum

XS
SM
MD
LG