WASHINGTON DC —
Uzulu weziqintini ezitshiyeneyo zePlumtree ukhala ongela mkhawulo umkhosi ngoba ethwaliswe amagabh'avuzayo yimihlambi yendlovu ehamba idiliza imizi isidla utshani njalo idinga amajodo.
Iziqinti lezi zigoqela esakoMadlambudzi, koMbimba, eJutjume, koMangubo lezinye ezitshiyeneyo.
Abazali bathi ngobunengi bendlovu lezi, sebesesabela ukuthi zilakho ukuhlasela ikakhulu abantwana abaya esikolo ngoba zidabula phakathi kwemizi ilanga libalele.
Indlovu lezi zibikwa ziphuma emabhongane, emngcweleni weHwange National Park lapho okungasela cingo olwalubiye lindawo.
Ucingo lolu lwantshontshwa ngamasela lwaze lwaphela duu, osokubangela ukuthi inyamazana zendle ezinengi ziphume kalula eHwange National Park.
Isakhamuzi sakoMbimba uMnu Moki Ncube usole kakhulu uhulumende esithi laloba bangaze bazise iziphathamandla zali ndawo ngaloludaba, akulamanyathelo athathwayo.
"lapha sithwele nzima futhi asazi ukuthi uhulumende wethu usenzani, asilali lokhu kwaqalisa silima kathesi sezisilanda ezihonqweni, incingo zethu ebesizifakile ziyawisa," kutsho uMnu Ncube.
Wengeze wathi lanxa zingakabulali muntu, indlovu lezi ziyingozi kakhulu emphakathini ngoba zike zagijimisa abanye abantwana koMbimba kunsukwana ezedluleyo.
"Azikabulali muntu kodwa zike zaxotsha abantwana kuzonalezinsuku. Sesizama ukuthi sikhulumisane lezikolo zikhiphe abantwana kusakhanya ukwenqabela ingozi engabakhona.
"Yimihlambi yendlovu elapha selokhu sazalwayo lathi okunje asikaze sikubone. Zigcwele indawana yonke kusukela koMadlambudzi kuzekuyefika eJutjume, sezihlala emasimini emahlangeni vele azisayindawo," kutsho uNcube.
Esinye isakhamusi sakoMangubo esingathandanga ukubethwa ngegama siveze ukuthi abantu sebelala bebase imililo duzane lemizi ngenjongo yokuxotsha lezindlovu.
Iziqinti lezi zigoqela esakoMadlambudzi, koMbimba, eJutjume, koMangubo lezinye ezitshiyeneyo.
Abazali bathi ngobunengi bendlovu lezi, sebesesabela ukuthi zilakho ukuhlasela ikakhulu abantwana abaya esikolo ngoba zidabula phakathi kwemizi ilanga libalele.
Indlovu lezi zibikwa ziphuma emabhongane, emngcweleni weHwange National Park lapho okungasela cingo olwalubiye lindawo.
Ucingo lolu lwantshontshwa ngamasela lwaze lwaphela duu, osokubangela ukuthi inyamazana zendle ezinengi ziphume kalula eHwange National Park.
Isakhamuzi sakoMbimba uMnu Moki Ncube usole kakhulu uhulumende esithi laloba bangaze bazise iziphathamandla zali ndawo ngaloludaba, akulamanyathelo athathwayo.
"lapha sithwele nzima futhi asazi ukuthi uhulumende wethu usenzani, asilali lokhu kwaqalisa silima kathesi sezisilanda ezihonqweni, incingo zethu ebesizifakile ziyawisa," kutsho uMnu Ncube.
Wengeze wathi lanxa zingakabulali muntu, indlovu lezi ziyingozi kakhulu emphakathini ngoba zike zagijimisa abanye abantwana koMbimba kunsukwana ezedluleyo.
"Azikabulali muntu kodwa zike zaxotsha abantwana kuzonalezinsuku. Sesizama ukuthi sikhulumisane lezikolo zikhiphe abantwana kusakhanya ukwenqabela ingozi engabakhona.
"Yimihlambi yendlovu elapha selokhu sazalwayo lathi okunje asikaze sikubone. Zigcwele indawana yonke kusukela koMadlambudzi kuzekuyefika eJutjume, sezihlala emasimini emahlangeni vele azisayindawo," kutsho uNcube.
Esinye isakhamusi sakoMangubo esingathandanga ukubethwa ngegama siveze ukuthi abantu sebelala bebase imililo duzane lemizi ngenjongo yokuxotsha lezindlovu.